Batho ba Bantši ge ba Rapela ba re “Mmušo wa Gago a o tle”
Na o kile wa rapela gore Mmušo wa Modimo o tle? Ke go tloga kgale batho ba bantši ba boeletša mantšu ao a rego “Mmušo wa gago a o tle” dithapelong tša bona. Ke ka baka la’ng ba rapela ka tsela ye? Ke ka gobane Jesu o boditše balatedi ba gagwe gore ba rapele gore Mmušo wa Modimo o tle.
Mathomong, balatedi ba Jesu ba be ba sa kwešiše dilo ka moka tšeo Jesu a bego a di bolela ka Mmušo wa Modimo. Ka letšatši le lengwe, ba ile ba mmotšiša gore: “Morena, na o tsošološa mmušo wa Isiraele mo nakong ye?” Go ka direga gore ba ile ba makala ge Jesu a sa ba botše dilo ka moka ka Mmušo wa Modimo. (Ditiro 1:6, 7) Na se se ra gore rena re ka se tsoge re tsebile gore Mmušo wa Modimo ke eng, le gore o tlo tla neng mo lefaseng? Ga go bjalo!
Morokami wo o tlo go thuša go hwetša dikarabo tša dipotšišo tše di latelago:
Ke ka baka la’ng re hloka go bušwa ke Mmušo wa Modimo?
Kgoši ya Mmušo wa Modimo ke mang?
Mmušo wa Modimo o tlo buša neng mo lefaseng?
Mmušo wa Modimo o tlo direla batho eng?
Ke ka baka la’ng o swanetše go thekga Mmušo wa Modimo gona bjale?
Mmušo wa Modimo ke’ng?
You May Also Like
MOROKAMI
Ke ka Baka la Eng re Swanetše go Rapelela Gore Mmušo wa Modimo o tle?
Ke’ng seo Mmušo wa Modimo o tlago go se dira seo mebušo ya batho e ka se kgonego go se dira?
ESSENTIAL BIBLE TEACHINGS
Mmušo wa Modimo ke Eng?
Ge Jesu a be a le mo lefaseng, o boletše ka Mmušo wa Modimo go feta selo le ge e le sefe. Ke kgale balatedi ba gagwe ba rapelela gore Mmušo woo o tle.
