Namoonni hedduun addunyaa tasgabbii hin qabne kanaan kan kaʼe waan dhiphataniif, utuu itti hin yaadin hariiroo namoota wajjin qaban dagatu.

• Namoonni michoota isaaniirraa of fageessu.

• Hiriyoonni gaaʼelaa karaa sirrii hin taaneen wal qabu.

• Warri wanta ijoollee isaanii yaaddessuuf xiyyeeffannaa hin kennan.

• Keessumaa yeroo rakkisaatti karaa qaamaas taʼe karaa sammuu fayya buleessa taʼuuf michoonni si barbaachisu.

• Dhiphinni addunyaan tasgabbii dhabuu isaatiin kan kaʼe sitti dhagaʼamu karaa ati hin eegneen jireenya maatii keerratti dhiibbaa gochuu dandaʼa.

• Gabaasawwan oduu nama dhiphisan utuu ati hin hubatin ijoolleen kee akka yaaddaʼan gochuu dandaʼu.

Kitaabni Qulqulluun akkana jedha: “Michuu dhugaan yeroo hundumaa jaalala argisiisa, inni obboleessa yeroo dhiphinaatiif dhalate dha.”—Fakkeenya 17:17.

Michoonni keenya nu gargaaruu fi gorsa gaarii nuuf kennuu dandaʼu. Michoota jaalala qabeeyyii taʼan akkasii qabaachuun keenya jabina rakkina guyyaa guyyaadhaan nu mudatu dandamachuuf nu barbaachisu nuuf argamsiisa.