Фӕстаг мӕйтӕ ци брошюритӕ рацудӕй, уони лӕмбунӕг бакастӕ? Мадта ӕркӕсай, цума аци фарстатӕбӕл дзуапп раттун дӕ бон уодзӕй.

Матфеййи 18:15–17 Йесо цӕхуӕн тӕрегъӕдти кой кодта?

Дууӕ киристони кӕрӕдзей ку нӕ балӕдӕронцӕ, уӕд арӕхдӕр сӕхе бон фӕууй бафедаун. Фал ами Йесо ци тӕрегъӕдти кой кӕнуй, е минкъий цӕмӕдӕр нӕ амонуй. Гӕнӕн ес, ӕма киристони уой туххӕй ӕмбурдӕй дӕр рацох кӕнонцӕ, гъуддаг ку нӕ фӕррӕстмӕ уа, уӕд. Уӕхӕн тӕрегъӕдтӕмӕ хауй еске фудкой кӕнун кенӕ налат миутӕ кӕнун (w16.05-OSS 7 ф. [bw570]).

Дӕ бон ци ӕй кӕнун, цӕмӕй дин Библи фулдӕр пайда хӕсса?

Библи кӕсгӕй дин раст зӕрди уагӕ уӕд; сагъӕс кӕнӕ, ци скъуддзӕгтӕ кӕсис, уонӕй цӕбӕл ахур кӕнис, уобӕл; дӕхемӕ фарстатӕ дӕттӕ, зӕгъӕн: «Ци бакастӕн, уой фӕрци мӕ бон куд ӕй иннетӕн ӕнхус кӕнун?»; ци бакастӕ, уой туххӕй фулдӕр ӕрмӕг байагорӕ (w16.05-OSS 24–26 фф. [bw570]).

Райгасдзийнадӕбӕл ке ’ууӕндӕн, е уобӕл дзорӕг ӕй, ӕма зианбӕл гъӕуама мабал маст кӕнӕн?

Кӕд киристон райгасдзийнадӕбӕл ӕууӕндуй, уӕддӕр ин еске ку рамӕлуй, уӕд хъӕбӕр фӕммаст кӕнуй. Авраам дӕр Саррӕбӕл хъӕбӕр маст кодта (Райд. 23:2). Фал рӕстӕг ку рацӕуй, уӕд адӕймагӕн ӕ зӕрди рист фӕссабурдӕр уй (wp16.3-OSS 4 ф. [bp170]).

Йезекили 9 сӕри финсӕндзаумӕтти хӕццӕ ка адтӕй, еци лӕг ӕма, хуӕцӕнгӕрзтӕ кӕмӕ адтӕй, еци ӕхсӕз лӕги кӕмӕ амонунцӕ?

Етӕ ӕмонунцӕ уӕларвон ӕфсӕдтӕмӕ – Йерусалим пурхӕгонд ку ’рцудӕй, уӕд еци гъуддаги ка архайдта ӕма Армагеддони тугъди ба Сайтани дуйне ка фесавдзӕй, уонӕмӕ. Финсӕндзаумӕттӕ кӕмӕ адтӕй, еци лӕг ба амонуй Йесо Киристемӕ. Е нисан исӕвӕрдзӕй, фӕййервӕзуни аккагбӕл нимад ка ’рцӕуа, уонӕбӕл (w16.06-OSS 16, 17 фф. [bw571]).

Библийӕн тӕссаг цӕмӕй адтӕй?

1) Библи финстонцӕ папирусбӕл ӕма пергаментбӕл, етӕ ба цӕйбӕрцӕдӕр рӕстӕги фӕсте ӕмбуйгӕ кодтонцӕ. 2) Политиктӕ ӕма дини разамонгутӕ архайдтонцӕ Библи фесафунбӕл. 3) Еуӕй-еуетӕ архайдтонцӕ Библий текст раййевунбӕл (wp16.4-OSS 4–7 фф. [bp172]).

Киристонӕн ӕ бон куд ӕй ӕ цард фӕххумӕтӕгдӕр кӕнун?

Ӕнӕмӕнгӕ дӕ ци гъӕуй, уой исбӕрӕг кӕнӕ ӕма дзӕгъӕл хӕрзтӕ ма кӕнӕ. Расагъӕс кӕнӕ дӕ бон цӕйбӕрцӕ уодзӕй харз кӕнун. Ка дӕ нӕбал гъӕуй, еци дзаумӕуттӕй дӕ къумтӕ исуӕгъдӕ кӕнӕ. Де ’фстӕуттӕ бафедӕ. Байархайӕ, цӕмӕй дӕ косун минкъийдӕр гъӕуа, ӕма дӕ бон уа Йеговӕн фулдӕр лӕггадӕ кӕнун (w16.07-OSS 10 ф. [bw572]).

Библи сугъзӕрийнӕй кенӕ ӕвзестӕй хъазардӕр ци хонуй?

Иови 28:12, 15 финст ес, Хуцауи зунд сугъзӕрийнӕй кенӕ ӕвзестӕй хъазардӕр ке ӕй. Еци зунд агоргӕй адӕймаг гъӕуама идарддӕр дӕр уа сӕрниллӕг ӕма йе ’ууӕндундзийнадӕ федар кӕна (w16.08-OSS 18, 19 фф. [bw572]).

Абони ӕнсувӕртӕн рехӕ дарун ӕнгъезуй?

Еуӕй-еу адӕнихӕттитӕмӕ федауй нӕлгоймӕгтӕн рехӕ дарун, ӕма е адӕни нӕ хъор кӕнуй хуарз хабармӕ байгъосун. Фал еуӕй-еу ӕнсувӕртӕ ба уӕддӕр рехӕ нӕ дарунцӕ (1 Кор. 8:9). Кӕцидӕр бӕстити ба рехӕ дарун нӕ федауй, ӕма сӕ Йегови Ӕвдесӕнтӕ дӕр нӕ дарунцӕ (w16.09-OSS 21 ф. [bw574]).

Давид ӕма Голиафи хабарбӕл ӕууӕндӕн цӕмӕн ес?

Мах рӕстӕги ӕгасемӕй бӕрзонддӕр адӕймагбӕл нимад ка ӕй, уомӕй Голиаф 15 сантиметри бӕрзонддӕр адтӕй. Удта Давид ӕцӕгӕйдӕр ке цардӕй, уомӕн ес бӕлвурдгӕнӕнтӕ. Зӕгъӕн, археологтӕ ци рагон финститӕ иссирдтонцӕ, уонӕй еуеми Давиди хӕдзари кой дӕр адтӕй. Уомӕй уӕлдай ма Йесо Киристе дӕр дзурдта, Давид ӕцӕгӕйдӕр ке цардӕй, уой туххӕй. Удта ма Библий Давиди туххӕй кӕми финст ес, уоми ци бунӕтти кой цӕуй, етӕ ӕцӕгӕйдӕр адтӕнцӕ (wp16.5-OSS 13 ф. [bp174]).

Зонундзийнӕдтӕ, лӕдӕргӕдзийнадӕ ӕма курухон зунд цӕмӕй хецӕн кӕнунцӕ?

Зонундзийнӕдтӕ кӕмӕ ес, еци адӕймаг берӕ цидӕртӕ фӕззонуй. Лӕдӕргӕдзийнадӕ кӕмӕ ес, уомӕн ӕ бон ӕй балӕдӕрун, еу гъуддаг инней хӕццӕ куд баст ӕй, уой. Курухон зунд кӕмӕ ес, еци адӕймагмӕ ба ес зонундзийнӕдтӕ дӕр ӕма лӕдӕргӕдзийнадӕ дӕр, ӕма си пайда кӕнун зонуй (w16.10 18 ф. [bw575]).