Antoy Ibabaga na Biblia?
Anto so Panarian na Dios?
WALA RAY MANISIA ya say labay ya ibaga na satan et manuuley so Dios ed puso na too; iisipen balet na arum ya niwala itan lapud pansasagpot na totoo ya pagmaliwen a mareen tan nankakasakey so mundo. Antoy papanisiaan mo ey?
NO ANTOY IBABAGA NA BIBLIA
“Say Dios na tawen et mangiletneg na panarian ya agbalot naderal. . . . Buyaken tan panganggaen to irayan amin a panarian [na too].” (Daniel 2:44) Say Panarian na Dios et sakey a gobierno.
ANTO NI NAARALAN TAYOD BIBLIA?
Say Panarian na Dios et walad tawen.—Mateo 10:7; Lucas 10:9.
Uusaren na Dios so Panarian pian nagaway linawa to diad tawen tan diad dalin.—Mateo 6:10.
Kapigan onsabi so Panarian na Dios?
ANTOY EBAT MO?
Anggapoy makaamta
Magano la
Agla onsabi
NO ANTOY IBABAGA NA BIBLIA
“Sayan maong a balita na Panarian et nipulong ed interon dalin bilang pantasi ed amin a nasyon, insan onsabi so anggaan.” (Mateo 24:14) No nipulong lad interon dalin so maong a balita, onsabi so Panarian pian panampoten iyan mauges ya sistema na mundo.
ANTO NI NAARALAN TAYOD BIBLIA?
Anggapon balot diad dalin so makaamta no kapigan so eksakton isabi na Panarian na Dios.—Mateo 24:36.
Prupruebaan na saray propesiya ed Biblia ya magano lan onsabi so Panarian.—Mateo 24:3, 7, 12.
Ompan Nagustoan Mo Met
EBAT ED SARAY TEPET ED BIBLIA
Kasin say Panarian na Dios et Walad Pusom?
Antoy labay ya ibaga na Biblia ed samay nabasa ya “say panarian na Dios wala ed dalem yo”?
SAY PANAG-BANTAYAN
Akin ya Ipikasi Tayon Onsabi la Komon so Panarian na Dios?
Antoy nagawaan na Panarian na Dios ya agnagawaan na gobierno na too?
