1. Say panangasi Dios tayo

diad aro ipapatnag to.

On, agnapapasootan,

pangiiter panliketan.

No say lingoy agawaan

tan tua ya pagbabawian,

say panangasi iter to

ta amta ton dabok tayo.

2. On, impanengneng nen Jesus

no panon so mikasid Dios:

“Lingoy perdonaen mo pa,

perdonaen mi met ira.”

Naekal lay paneem-em

no kasian mi so arum.

Say panangasim aligen,

nonot tan pusoy ondeen.

3. Regalon iiter tayo

komon diad puso nanlapu.

Agla ibabagad arum

tan dayew agpilaleken.

Amta itan na Dios tayo,

amin et sankanengneng to.

Panliketan na puso to

so mapangasi ya too.