Panon Ak ya Magmaliw a Tasi nen Jehova?
Saray kaukolan ya gawaen pian magmaliw ya Tasi nen Jehova et indeskribe nen Jesus diad Mateo 28:19, 20. Nabasa ed sayan duaran bersikulo iray kaukolan ya gawaen pian magmaliw ya disipulo nen Kristo so sakey, kaibad saya so pangibaga o pantasi tungkol ed si Jehova.
Unonan gawaen: Aralen so ibabangat na Biblia. Ingganggan nen Jesus iray papatumbok to ya ‘ibangat iray totoo pian magmaliw iran disipulo.’ (Mateo 28:19, 20) Say literal ya kabaliksan na “disipulo” et “manaaral” o babangatan. Diad Biblia, lalo la diad saray bangat nen Jesus ya wadtan, so pakaamtaan moy impormasyon ed kaukolan mon gawaen pian nawalaan kay maliket ya bilay. (2 Timoteo 3:16, 17) Maliket kamin ontulong ed sika pian naaralan moy ibabangat na Biblia panamegley na gagawaen min libren panagaral na Biblia.—Mateo 10:7, 8; 1 Tesalonica 2:13.
Komaduan gawaen: Iyaplikam so nanaaralan mo. Imbaga nen Jesus ya saramay manaaral o babangatan et kaukolan ya “mangunor ed amin ya ingganggan [to].” (Mateo 28:20) Kanian say panaral na Biblia et aliwa labat ya basta pangamta—kaibad saya so panguman ed panagnonot tan kagagawa. (Gawa 10:42; Efeso 4:22-29; Hebreo 10:24, 25) Saramay labay dan unoren so ganggan nen Jesus et napapakiwas ya mandesisyon ya unoren day Jesus diad pangidedika day bilay da ed si Jehova a Dios.—Mateo 16:24.
Komatlon gawaen: Manpabautismo. (Mateo 28:19) Diad Biblia, say bautismo et nikompara ed pangiponpon. (Ikompara so Roma 6:2-4) Singa itan ipatey ed apalabas ya kabibilay tan igapo so balon bilay. Kanian say labay ya ibaga na pampabautismom et ipapakabat mod publiko ya asumpal mo imay duaran ipapagawa nen Jesus tan onkekerew kad Dios na malinis a konsiensia.—Hebreo 9:14; 1 Pedro 3:21.
Panon kon naamtaan no akaparaan ak lan manpabautismo?
Asinggeran mo ray elder ed kongregasyon. Katongtongen da ka pian nasegurado ya natatalosan mo no anto ray kaibad sayan desisyon mo, iyaaplikam so nanaaralan mo, tan mabulos mo lan indedika so bilay mod si Jehova.—Gawa 20:28; 1 Pedro 5:1-3.
Kasin onaplika met iya ed ugugaw nin anak na Tasi?
On. Papabalegen mi ray anak mi “diad disiplina tan panamilin nen Jehova.” (Efeso 6:4) Balet, legan iran ombabaleg, kaukolan day mandesisyon ya bukor no kasin aralen, awaten, tan iyaplika da iray ibabangat na Biblia pian onkualipika iran manpabautismo. (Roma 12:2) Kanian, mandesisyon so kada sakey ed panlingkor tod Dios.—Roma 14:12; Galacia 6:5.
Ompan Nagustoan Mo Met
NIPAAKAR ED SIKAMI
Antoy Gagawaen Sano Manaaral na Biblia?
Diad interon mundo, kabkabat iray Tasi nen Jehova lapud iyoopresi dan libren panagaral na Biblia. Nengnengen no panon itan ya gagawaen.
MABETBET YA ITETEPET
Kasin Obligado Ak ya Magmaliw ya Tasi nen Jehova no Manpaiyaral Ak na Biblia ed Sikara?
Libren iyaaral na saray Tasi nen Jehova so Biblia diad milyon-milyon ya totoo ed interon mundo. Balet no manpaiyaral kad sikami, obligado ka kasin magmaliw ya Tasi nen Jehova?
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
EBAT ED SARAY TEPET ED BIBLIA
Kasin Kaukolan Tayoy Magmaliw a Kabiangan na Sakey ya Relihyon?
Kasin sarag moy mandayew ed Dios diad sarilim labat?
BANGAT NA BIBLIA
Salien so Panag-aral na Biblia
Salien so libre ya interactive ya panag-aral na Biblia ya walay personal ya manbangat ed sika.