Imagina cu bo tin un maleza cu ta pone bo bida na peliger y bo tin cu haci un operacion pa bo salba bo bida. Sin duda, lo bo kier tin pleno confianza den e ciruhano, ya cu bo ta poniendo bo bida den su man, no ta berdad? Pues lo bo kier averigua cuanto experencia e tin cu e tipo di operacion ey.

Den caso di religion ta mesun cos; ta sabi pa analis’e cuidadosamente. Si bo ta pertenece na un organisacion religioso, bo ta poniendo tanto bo bida spiritual como bo salbacion den su man.

Hesus a duna un criterio cu ta yuda nos analisa religion a base di nan echonan. El a bisa: “Cada palo ta ser reconoci na su fruta.” (Lucas 6:44) Si bo ta interesa den un religion en particular, ta bon pa bo analisa ki clase di “fruta” e ta produci. Pues puntra bo mes: ‘Su lidernan ta duna hopi importancia na placa? Su miembronan ta sigui principionan di Bijbel pa loke ta guera y moralidad?’ Finalmente, ta existi un religion cu ta digno di bo confianza? Nos ta anima bo pa considera e siguiente articulonan.