Tin Cierto Pelicula, Buki of Cantica Cu Testigonan di Jehova Ta Prohibi?
No, nos organisacion no ta traha un lista specifico di pelicula, buki of cantica cu nos mester evita. Dicon no?
Bijbel ta anima cada un di nos pa entrena nos “capacidad di compronde” pa asina nos por distingui loke ta bon for di loke ta malo.—Hebreonan 5:14.
Bijbel ta duna nos principio cu por yuda nos tuma bon decision ora di scoge entretenimento. a Den tur aspecto di nos bida, nos meta ta pa “sigui haci sigur di loke ta agrada Señor.”—Efesionan 5:10.
Bijbel ta mustra cu e cabes di famia tin un cierto grado di autoridad, pesey e por dicidi kico e ta permiti su famia haci. (1 Corintionan 11:3; Efesionan 6:1-4) Pero, den congregacion, ningun hende no ta autorisa pa traha regla specifico tocante pelicula, cantica of artista cu no ta aceptabel pa miembronan di e congregacion.—Galationan 6:5.
a Por ehempel, Bijbel ta condena cualkier cos cu tin di haber cu spiritismo, inmoralidad sexual y violencia.—Deuteronomio 18:10-13; Efesionan 5:3; Colosensenan 3:8.
