In iahra fasamlinga, henn Christians in di eahsht century als gebaydah ksawt, songs ksunga, un di Bivvel glaysa un kshvetzt diveyya. (1 Korinther 14:26) Du kansht’s saym ding ekshpekta an unsah fasamlinga.

Miah lanna vi di Bivvel uns helft in unsah layva. Uf da weekend kumd alli congregation zammah fa’n halb shtund Bivvel talk heahra uf vi di Bivvel em helfa kann in layva, un veyyich di zeida es miah drinn sinn. Alli-ebbah gukt di verses uf in iahra aykni Bivvel. Fa di neksht shtund noch sell henn ma da “Vatshtavvah” Shtoddi. Alli-ebbah is welcome fa mitt helfa in da discussion veyyich en article funn da shtoddi Vatshtavvah. Deah discussion helft uns fa apleiya vass miah lanna funn di Bivvel. Dess saym information vatt kshtoddit gans ivvah di eaht, in ivvah 120,000 congregations.

Miah lanna fa bessah vadda in teetsha. Miah kumma zammah ay ohvet deichdivoch fa’n fasamling es drei parts hott, es hayst Unsah Ministry un Vi Miah Layva. Dess information kumd funn’s Ministry un Layva Fasamling Workbuch. ’S eahsht part, Treasures Funn di Bivvel, helft uns fa di chapters funn di Bivvel bessah fashtay es miah awl glaysa henn ebdihand. ’S zvett part, Fa Bessah Vadda in di Ministry, hott demonstrations es uns veist vi miah bessah vadda kenna in shvetza veyyich di Bivvel mitt anri. Da broodah es foah gayt selli voch helft uns sayna vi miah bessah vadda kenna in laysa un in shvetza mitt anri. (1 Timotheus 4:13) ’S letsht part, Fa Layva vi Christians, veist uns vi di Bivvel em helfa kann in unsah alli-dawk layva. Dess hott en question un ensah part es uns helft di Bivvel even bessah fashtay.

Vann du zu unsah fasamlinga kumsht, zaylsht du andem fashtaund sei vi goot es du di Bivvel fashtay kansht.​—Jesoiya 54:13.

• Vass kansht du ekshpekta fa heahra an di fasamlinga funn Jehova Sei Witnesses?

• Vels funn unsah fasamlinga vetsht du kumma ditzu?