BLIEFT WIEDA WAKA!
Oppe gaunze Welt es daut woama aus jeweenlich – Waut sajcht de Schreft doaräwa?
En Juli 2022 wia daut oppe gaunze Welt woama aus jeweenlich:
“China jeft fa meist 70 Städa de hechste Woarnunk fa woamet Wada rut, aus daut dise Moonat toom tweede Mol sea woam wort” (CNN Wire Service, 25. Juli 2022).
“En Europa jeef daut opp veschiedne Städen Wooltfia, wäajen daut butajeweenlich woam wort” (The Guardian, 17. Juli 2022).
“En de Stäts wia daut aum Sindach en veschiedne Städa soo woam aus noch kjeenmol ea” (The New York Times, 24. Juli 2022).
Waut haft aul dit to bedieden? Woat daut veleicht bat doa komen, daut eena nich mea kaun oppe Ieed läwen? Waut sajcht de Schreft doaräwa?
Säd de Schreft verut, daut daut Wada soo woam woat?
Jo. Daut daut Wada oppe gaunze Welt soo woam es, stemt met daut, waut de Schreft fa onse Tiet verutsäd. Biejlikj säd Jesus verut, daut wie “schrakjeljet” seenen wudden, ooda soont, waut eenem kaun enjsten (Lukas 21:11, PB). Wäajen daut Wada oppe gaunze Welt woama woat, haben väle Angst, daut de Menschen de Ieed gaunz vedoawen woaren.
Woat daut mol nich mea mäajlich sennen, oppe Ieed to läwen?
Nä. Gott haft de Ieed jemoakt, soo daut de Menschen emma doabowen läwen kjennen (Psalm 115:16; Liera 1:4). Hee woat nich tooloten, daut de Menschen de Ieed venichten woaren. Enne Städ daut woat hee deejanje venichten, “dee de Ieed vedorwen haben” (Openboarunk 11:18, PB).
Well wie ons tweeatlei unjastonen, waut Gott vesproaken haft to doonen:
“De Wiltnis un daut Drieechlaunt woaren sikj freien; daut drieeje Ollaunt woat jlekjlich sennen un met Bloomen dachen” (Jesaja 35:1, PB). Gott woat nich tooloten, daut de Ieed eene drieeje Wiltnis woat, wua kjeena läwen kaun. Enne Städ daut woat hee dän Schoden, waut eenje Städen jekjräajen haben, wada gootmoaken.
“Du sorchst fa daut Launt un latst daut räajnen, un moakst daut doaderch sea rikj” (Psalm 65:10, PB). Gott woat de Ieed to een Paradies moaken.
Wan du mea doaräwa weeten west, woo daut en de Schreft verutjesajcht wort, daut daut Wada sikj wudd veendren, dan läs dän Artikjel “Der Klimawandel und unsere Zukunft – was die Bibel sagt”.
Wan du mea doaräwa weeten west, waut de Schreft doatoo sajcht, daut de Schoden en de Natua jefikst woat, dan läs dän Artikjel “Wer wird unseren Planeten retten?”
Veleicht jleichst du uk dit
WAUT SAJCHT DE SCHREFT ÄWA ...?
Waut es daut Tieekjen von “de latste Doag” ooda daut Enj von de Welt?
De Bibel säd väl Sachen verut, waut aula toop wiesen wudden, daut wie enne latste Tiet läwen.
WICHTJE BIBLISCHE LIEREN
Wuarom haft Gott de Ieed jemoakt?
Opp dän Ieedbaul es väl schmocket to beoobachten. Dee es krakjt wiet auf jenuach von de Sonn, dee dreit krakjt bosich jenuach un steit opp de rajchte Städ. Wuarom haft Gott soo väl jedonen, daut de Ieed soo schmock sach?
WAUT SAJCHT DE SCHREFT ÄWA ...?
Woat de Ieedbaul venicht woaren?
Veleicht best du mau rajcht vewundat, waut de Bibel sajcht.
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
