¡RIJCHʼARIY! 2 kaj 2018 | Familiaykipaj 12 yuyaychaykuna
Familiaykipaj 12 yuyaychaykuna
Kay tiempopi ashkha familiaspa kausayninku may llakiy. Jinapis ashkha familias ujchasqas, kusisqataj kausakushanku. ¿Imataj chay familiasta yanapan?
Estados Unidospi, 1990 watamanta 2015 watakama, may chhika casarasqas divorciakunku: 50 watayojkunamanta kurajkunapi iskay jinaspiwan yapakorqa, 65 watayojkunamanta kurajkunapitaj kinsa kutiswan jina yapakorqa.
Wakin yachayniyoj runasqa ninku: “Wawastaqa lulusqata uywana”, nispa. Wakinkunatajrí ninku: “Wawasqa castigasqapuni allinta wiñanku”, nispa. Tatamamasqa niña yachankuchu pitachus kasunankuta.
Ashkha jóvenes machuña kaspapis wawa jinallapuni kanku.
¿Familias kusisqa kausakuyta atinkumanchu?
Ashkha casarasqas kusisqa kausakunku, wañunankukamataj khuska kanku.
Tatamamasqa wawasninkuta munakuywan yachachinku.
Ashkha jóvenes allin yuyayniyoj kanku.
¿Imataj chay familiasta yanapan? Kay ¡Rijchʼariy! revistaqa, 12 sumaj yuyaychaykunamanta parlan. Chaytaj familiasta kusisqa kausakunankupaj yanapan.
1 Nisqaykichejta juntʼaychej
Casarasqas khuskallapuni kanankupaj kinsa yuyaychaykuna.
2 Ujlla kaychej
Warmiykiwan chayri qosaykiwan, ¿kikin cuartopi tiyakoj runas jinallachu kankichej?
3 Respetanakuychej
¿Imaynata parlaspataj chayri imata ruwaspataj qosaykita respetasqaykita rikuchiwaj?
4 Perdonanakuychej
Qosayki chayri warmiykej pantasqasninta perdonanaykipaj, ¿imataj yanapasunkiman?
5 Parlarikuychej
Wawasniykichejwan parlarikunaykichejpaj kinsa yuyaychaykuna.
6 Yuyaychariychej
Wawaykita kʼamejtiyki, ¿sonqo pʼakisqachu qhepakonqa?
7 Allin kausayta yachachiychej
Tata chayri mama, ¿imayna kausaytataj wawasniykiman yachachiyta munanki?
8 Ruwasqaykichejwan yachachiychej
Tatas, wawasniykichejwan kasuchikuyta munankichej chayqa, nisqaykichejwan ruwasqaykichejwan kikin kanan tiyan.
9 Imayna runachus kanaykita yachay
¿Imataj jovenesta yanapanman creesqankupi sinchʼita sayanankupaj?
10 Atienekunapaj jina kay
Tataykiwan mamaykiwan qanpi atienekojtinku, yuyayniyojman tukunki.
11 Ama qhella kaychu
Joven kashaspa trabajayman yachaykukunki chayqa, kausayniykipi allin risonqa.
12 Ama qhasipaj kausaychu
Imatachus ruwayta munasqaykita juntʼanki chayqa, astawan imasta ruwayta munanki, sumaj amigosniyoj kanki, kusisqataj kanki.
Familiaspaj astawan yanapas
Bibliaj yuyaychaykunasnenqa, familiaykipi sumajta kausakunaykipaj yanapasunkiman.
