Nuna mayinta yanapaqtaqa Teyta Diosmi yanapanqa
Entëru Patsachömi mëtsika nunakunapa mikuyninkuna ni wayinkunapis kantsu. Pëkunata, ¿imanöraq yanapashwan?
PALABRAN BIBLIACHÖMI TEYTA DIOS NIMANTSIK:
Waktsakunata yanaparqa pëta prestëkaq cuenta kanqanta. Y tsënö yanapakunqampitam Teyta Diosqa kutitsinqa (PROVERBIUS 19:17).
¿IMANÖTAN NUNAKUNATA YANAPASHWAN?
Tsëta imanö ruranapaq yachatsikurninmi Jesusqa juk nunapaq willakurqan, tsë nunatash suwakoqkuna cäsi wanunqanyaq maqëkuyänaq (Lücas 10:29-37). Y tsënash tsë nänipa ëwëkaq juk nuna, tsënö maqar ushashqata rikëkur mana reqikarnimpis llakiparnin yanapëkunaq.
Kë kuyakoq nunaqa, herïdankunatam jampirqan y manam tsëllatsu, sinöqa juk nunatam alliyanqanyaq atiendinampaq paguëkurqan.
¿Imanirtan Jesusqa tsë kuyakoq nunapaq willakurqan? Noqantsikpis tsënölla nuna mayintsikta yanapanapaqmi (Proverbius 14:31). Diospa Palabranchömi nimantsik ichik tiempullachöna sufrimientukuna ushakänampaq kaqta. Diosnintsik, tsëta imanö ruramunampaq kaqta yachakurishun.