“Alli noticiagunada predicashunchi”
2024 huatabi testigo de Jehovagunabu asamblea regional
Yaicunallami gangui • Cullquidaga na mañanchillu
Ama faltabanguillu
Viernes: Mateo, Marcos, Lucas y Juan librogunabiga Jesusmunda huillashcaguna na llulla, tucui verdad gashcadami rricushun. Biblia yachachishcagunami cunun funchagunabi imashina ayudai pudishcada yachashun.
Sábado: Jesús maibi huacharinada y paibu causaimundaga ñami huillashca garca, ¿chai huillashcagunaga fajtarircallu?
Domingo: Mundo enteromunda ashca gentegunami llaquiguna mirarish catijpish tranquilos y contentos causanajun, ¿imamunda? Respuestadaga “Na alli noticiagunaga na sustachinllu” nishca conferenciabimi uyashun.
VIDEO
Jesús predicashca alli noticiaguna: Punta parte
Jesusmi cai mundoda funchayachij luz gan
Jehová Diosmi shuj milagroda rrurrash, Jesús cai allpabi huacharillun cacharca. Jipaga shuj rey Jesusda ama huañuchillunmi Egipto llactamun apanajurca. Shinalladi huaquin huataguna jipami templobi yachachijguna Jesús ima nishcada uyash mancharishca saquirinajurca. Jesusbu causaimundami Viernes y Sábado funchabiga shuj videobi ashtaun rricushun.
Cai huatabi tiyaj asambleamunda cai videogunada rricui:
¿Ñucunchi asambleagunaga imashinadi gan?
Testigo de Jehovagunabu asamblea regionalmun rrinaga imashina gashcada rricui.
2024 huatabi testigo de Jehovagunabu asamblea regional: “Alli noticiagunada predicashunchi”
nishca temamunda imagunada yachana gashcada shuj uchilla videobi rricushunchi.
Videomunda shuj partella: Jesús predicashca alli noticiaguna
Jesús shuj milagromunda huacharishcadaga, tucui gentegunami yachanajun. Pero Jesús narij huacharijpi y huacharishca jipaga, ¿ima cosasgunadi pasarca?