Yaya Diosca paita adorachunca gentecuna tandanacuchunmi munan. Hebreos 10:24, 25-pica: “Caishujmanta chaishujmanta ayudanacushpa, allicunata rurangapaj cꞌuyaihuan yuyachinacushunchij. Ñucanchij tandanacuiman rina cashcallamanta puricujcuna, ña mana rij shinaca ama rurashunchijchu” ninmi.

 Jesusca paita catijcunaca alli organizados cana cashcatami ricuchirca. Juan 13:35-pica Jesusca: “Chashna caishuj chaishuj cꞌuyanacujpimi, cancunataca ñuca yachacujcunataj cashcata tucuicuna rijsingacuna” nircami. Jesusta catijcunaca cai cꞌuyaita ricuchingapajca tandanacushpami Yaya Diosta adorana can (1 Corintios 16:19). Chashnami Jesusta catijcunaca mundo enteropi shuj familia shina tandalla can (1 Pedro 2:​17).

¿Shuj religionta charinallaca allichu can?

 Bibliapica Yaya Diosta adorangapajca tandanacuna cashcatami yachachin. Bibliapica shuj religionta charishpalla Yaya Diospaj munaita rurana cashcataca mana ninchu. Chaipaj randica Bibliapi yachachishcacunata causaipi pajtachinami minishtirishca can. Por ejemplo, Bibliapica: “Ñucanchij Yaya Diosta pai munashca shina chuya, ima mapa illajlla adoranaca caimi. Yaya mama illajcunata, viudacunatapish llaquicunapi cajpi cuidana. Cai pachapi causajcunapaj ima mana alli ruraicunamantapish cuidarina” ninmi (Santiago 1:​27, nota).