Cai tandarina ¿masna unayanga?

Shu hora tupu unayan.

¿Maibi anga?

Camba mayambi causaj shu Jehovahuaj testigora tapungui mai partii tandarina ashcara.

¿Icungaj cullquira pagana anguichu?

Mana.

¿Cullquira mañanunzhu?

Mana.

¿Imasnara churarishca shamuna anchi?

Cai tandarinama shamungaj imasna tunu churarinara churaringaj mana tianzhu, shinajpis Biblia nishca cuinta Jehovahuaj testigoguna ali gustu tunura, mana yapajta ricurihuaj churaringaj ursarinchi (1 Timoteo 2:9). Mana ministishcachu yapa valij churanara churaringahua.

¿Imara ruranun Jesús huañushcara iyaringaj tandarinai?

Cai tandarina callarinai shu cancionda cantanchi, astaumbas shu Jehovahuaj testigo shu oracionda ruran. Huasha, Jesús yapa valij huañushcamanda Biblia yachachishcara uyanchi, shinallara Yaya Dios, paihua Churi Jesús rurashcauna ñucanchira imasna yanapashcamandas yachanchi. Tucurinai cutillara cantanchi shu oraciondas mañanchi.

Caimanda mas yachangaj, “¿Imarasha Jehovahuaj testigoguna mana shuj religionguna cuinta Jesús huañushcara iyarinun?” nishca temara leai.

¿Ima huras shamuj huataunai Jesús huañushcara iyarishun?

2025: sábado 12 de abril.

2026: jueves 2 de abril.