¿Imapaqtaq kawsakunchik?
¿Imatam bibliaqa yachachin?
Yaqapaschá haykallapipas nirqanki: “¿Imapaqtaq Diosqa unanchawarqanchik? ¿Imapaqtaq kawsakunchik?”, nispa. Bibliapim niwanchik runakunaqa Diosta yupaychaspa kusisqa kawsakunapaq unanchasqa kasqanchikmanta. Chaymantam qatiqninpi astawan yachaykusun.
Diosmi unanchawarqanchik. Bibliapim nin: ‘Paymi unanchaykullawarqanchik. Runankunam ñuqanchikqa kallanchik’, nispa (Salmos 100:3 a; Apocalipsis 4:11).
Diosqa runakunatapas chaynataq kay allpa pachatapas manam yanqapaqchu unancharqa (Isaias 45:18).
Diosqa paymanta yachaspa hinaspa payta yupaychaspa allin kawsakunapaqmi unanchawarqanchik (Mateo 5:3). Payqa hinallam munachkan allin kawsakunanchikta (Salmos 145:16).
Jehova Diosmanta yachayqa manam llumpay sasachu. Bibliapipas kaynatam niwanchik: “Diosman asuykuptikichikqa paypas asuykusunkichikmi”, nispa (Santiago 4:8; 2:23).
Kusisqa kawsakunapaqqa imapaq Dios unanchawasqanchikman hinam kawsakunanchik. Bibliapim willawanchik imapaq unanchasqa kasqanchikmanta. Ninmi: ‘Diostayá respetay qamqa. Paypa kamachikuyninkunatayá kasukuy qamqa. Chayllam runapa tukuy ruwananqa’, nispa (Eclesiastes 12:13).
Hamuq tiempopim Jehova Dios ñakariyta chinkachinqa, serviqninkunapas wiñaypaqmi kawsakusun. Chayna kawsakunatam Diosqa qallariymantapacha munarqa (Salmos 37:10, 11).
a Kay qillqapi ñawpaq testamentoqa Chuya Qellqa sutiyuq bibliamantam kachkan.