Testigo de Jehovacunaca paicunapa munai culquita cushpami, mundo enteropi Taita Diosmanda villachinata ñaupaman catichun ayudan. a Ñucanchi tandanajui huasicunapimi ñucanchi munai culquiguta churangapaj shuj cajagucuna tian. Shinallata ñucanchi munai culquiguta carangapaca internetpi jw.org paginapi Contribucionguna nishca partepashmi tian. Cai partepica obra mundial nishcata o ñucanchi congregacionba gastocunata culquiguhuan ayudangapami can.

 Shinapash Testigo de Jehovacunaca diezmota o ima horapash culquita cuchunga na mañapanchichu (2 Corintios 9:7). Shinallata ñucanchi tandanajuicunaman yaicuchunbash culquitaca na mañapanchichu. Ashtahuanbash bautizaringapaj, funeralta rurangapaj, bodata rurangapaj, shuj shuj ruraicunapapash testigocunata ñaupaman pushajcunaca culquita cuchunga na mañanllu. Shinallata culquita tandachingapaj nishpa pastelcunata o shuj cosascunataca na jatupanchichu. O rifacunata, micunacunata, fiestacunata, o shuj eventocunataca na rurapanchichu. Culquita mañangapapash oficiocunatapash na cachapanchichu. Mashna culquiguta carashcataca nipipash na yachaj chayanllu, (Mateo 6:2-4). Internetpi jw.org paginapi o ñucanchi publicaciongunapi culquita ganangapaj nishpa propagandacunataca na churapanchichu.

 Testigo de Jehovacunapa tandanajuicunapimi cada quilla mashna culquita charishcata o mashna culquita gastashcata villan. Chaitaca tucuicunami uyaita ushan. Shinallata cada congregaciongunapimi, mashna culquita gastashcata, mashna culqui tiashcata villaj informecuna ali cachun ricurian. Shinami carashca culquiguta aliguta utilizachun ricurian (2 Corintios 8:20 , 21).

•   Cajagucuna: Ñucanchi tandanajui huasicunapi o jatun tandanajui huasicunapica shuj cajagucunami tian. Chai cajagucunapimi ñucanchi munai culquiguta churaita ushapanchi. O chequetapash churaita ushapangui.

•   Internetpi contribuciongunata cungapaj: Internetpi “Testigo de Jehovacunaman contribuciongunata carangapaj” nishca paginami ashtaca llactacunapica tian. Chaipica tarjeta de crédito, o tarjeta de débito nishcahuanmi ñucanchi munai culquigutaca carai ushapanchi. Shinallata bancopi charishca culquiguta directo sucursalman cachangapaj o imashina culquiguta carangapapashmi cai paginaca ayudan. b Huaquin testigocunaca, mashna culquiguta carangapaj munashcata autamaticamente cada quilla richunmi cai paginapica programashca (1 Corintios 16:2).

•   Donaciones planificadas: Cashna contribuciongunata carangapaca abogadocunahuanmi parlana capanchi. Shina ruranami ama yapa impuestocunata pagachun ayudan. Causaj cashpa o huañushca jipa ñucanchi charishca cosascunata carangapaca Donaciones planificadas nishcata rurai ushapanchi. Testigo de Jehovacunapa oficinacunaman cayashpa cai cati contribuciongunata imashina caranata tapui ushapangui:

  •   Cuentas bancarias

  •   Seguros o planes de jubilacion

  •   Bienes inmuebles

  •   Acciones y bonos

  •   Testamentos y fideicomisos

 Imashina contribuciongunata caranata ashtahuan yachangapaca, internetpi “Testigo de Jehovacunaman contribuciongunata carangapaj” nishca paginapi ricupangui.