ГИЛИ 44
И молитва околескири сој ки бари дукх
(Псалм 4:1)
-
1. Мли молитва ту шун Јехова
ме родава тут.
Мле ране хор, нашти сасљон,
дукхана ола бут.
О муке тане бут баре
хем сила ман нане,
ту утешин ман Девла
тле духоја аракх ман.
(РЕФРЕНИ)
Ту вазде ман, де ман тло вас.
И надеж мли кер зорали.
Бут и пхаро родава тут,
Јехова де ман сила ту.
-
2. Тло лафи тано утеха
хем сила дела ман.
Ки лесте пишинела са
со хор дукхала ман.
Мли вера бајрар тле лафеа
стално сикав ман.
О мангипе тло тано
мле вилестар побаро.
(РЕФРЕНИ)
Ту вазде ман, де ман тло вас.
И надеж мли кер зорали.
Бут и пхаро родава тут,
Јехова де ман сила ту.
(Дикх хем Пс. 42:6; 119:28; Рим. 8:26; 2. Кор. 4:16; 1. Јов. 3:20.)
