O Devel mangela o manuša te oveljen bahtalo dživdipe ki Phuv. Ov čerdža i Phuv hem sa so isi koro late odoljese so mangela e manušen. Ko vakti so avela ov ka anel baro šukaripe sa e manušendže ki Phuv. Ov ka cidel sa okova so anela muke e manušendže. Čitinen Jeremija 29:11.

Nijekh vladavina dži akana na čhinadža o maribe, nabormipe ja o meribe. Ama isi jekh šukar haberi. Pana hari, e Devljesi vladavina ka cidel sa o manušikane vladavine. O manuša ka oveljen rahati hem šukar sastipe. Čitinen Isaija 25:8; 33:24 hem Danijel 2:44.

O Devel ka cidel sa o muke adžahar so ka čistini i Phuv ando lošna manuša (Sofonija 2:3). Ked ka ovel odova? Ko Devljeso Lafi hine vačerdo so o manuša ka oveljen pharo dživdipe. Sa so avdije ovela mothovi soj tano vakti o Devel te anel o kraj. Čitinen 2. Timotejese 3:1-5.

Amen valjani te sikljova ando Devel kotar oljeso Lafi, i Biblija. Oj tani sar jekh ljil ando dad kova mangelamen. Andi Biblija šaj te haljova sar šaj te ovelmen šukar dživdipe akana hem sar šaj te ovelmen večno dživdipe ko vakti so avela. Čače, disave šaj na ka mangen odova so sikljoveja andi Biblija. Ama tu ma muk te čhinaventu te sikljove ando Devel, sose o Devel dija po lafi so ka anel baro šukaripe sa e manušendže. Čitinen Godžalje lafija 29:25 hem Pučaribe 14:6, 7.