Ο Μάρτυρες του Ιεχωβά σικλιόνας πάντα κατά Αγία Γραφή ντα ανταβά ισί σημαντικός λένγκε. Οντουλά τζενέ σο κερένα ο σκαπανικός σαρό ο μπρες για τι βακερέν ο λατσσέ αμπέρια ι Βασιλειάκε σικλιόνα συγκεκριμέ ντα σημαντικά πράγματα για τι βακερέν ο λάφια ι Ντεβλέσκε αζόμ πιο λατσσές μπορίνενα.—2 Τιμόθεο 4:5.

Σχολή σο Τζάνα ο Σκαπανείς. Όταν κάποιος πφάντελα εκ μπρες σαρ τακτικός σκαπανέας, τζάλα σε εκ σχολή για σιοβ ντιβεσά σε εκ Αίθουσα Βασιλείας σο ισί οτθέ πασέ. Ανταγιά σχολή βοηθίνελα οντουλές σο ισί σκαπανέας τι πλησιάνελ πιο μπουτ ι Ιεχωβάς, τι βακερέλ πιο λατσσές ο αμπέρια ι Ντεβλέσκε ντα τι συνεχίνελ τι κερέλ ο σκαπανικός.

Σχολή για Ευαγγελιστές της Βασιλείας. Ανταγιά σχολή, σο ισί για ντούι μάσεκ, κερντιλί οντουλένγκε σο ισί μπρεσά σκαπανείς ντα μανγκένα τι νασέν πουμαρέ τθανέσταρ για τι τζαν οτθέ σο ισί ανάγκη. Δηλαδή, βον βακερένα: «Ακατέ ισινόμ! Μπούτσσαβ-μαν», ντα αντικάς κερένα οντουβά σο κερντάς ο πιο μπαρό Ευαγγελιστής σο ισινέ οπράλ κι πφουβ, ο Ιησούς Χριστός. (Ησαΐας 6:8· Ιωάννης 7:29) Οντουλά σο τζάνα εκχέ γιαβερέ τθεμέστε μπορεί τι χρειαζίντιβελ τι τζουβντιόν μπουτ πιο απλά. Ο συνήθειες, ο καιρός ντα ο χαμπίματα μπορεί τι αβέν μπουτ διαφορετικά οντουλένταρ σο τζανένας. Ή μπορεί τι χρειαζίντιβελ τι σικλιόν εκ νεβί τσσιπ. Ανταγιά σχολή βοηθίνελα ι πφραλέν ντα ι πφενιέν σο ισί εργένια ντα ο αντρόγυνα, από 23 μέχρι 65 μπρεσένγκε, τι τθερέν λατσσέ ιδιότητες σο κα βοηθίνεν-λεν οτθέ σο κα τζαν ντα τι τθερέν ο ικανότητες σο κα ντεν-λεν ι ευκαιρία τι χρησιμοποιήντιβεν πιο μπουτ κατά Ιεχωβά ντα λέσκε λαόσταρ.

Βιβλική Σχολή Γαλαάδ της Σκοπιάς. Από το 1943 σο κερντιλί η Γαλαάδ, πιο μπουτ από 8.000 τζενέ σο νακχλέ ανταγιά σχολή μπουτσσάντιλε σαρ ιεραπόστολοι ντα κερντέ λάφι ι Ντεβλέσκε με μπουτ μπαρί επιτυχία “σαρί κι πφουβ”. (Πράξεις 13:47) Όταν μερικοί σο τελειωντέ ι Γαλαάδ γκιλέ για πρώτη φαρ κο Περού, να ισινέ ούτε εκ εκκλησία οντουλέ τθεμέστε. Ακανά ισί πιο μπουτ από 1.000 εκκλησίες. Όταν αμαρέ ιεραπόστολοι αρχισάλε τι βοηθίνεν κι Ιαπωνία, να ισινέ ούτε ντες Μάρτυρες οτθέ—ακανά ισί πιο μπουτ από 200.000. Ο μαθήματα κι Γαλαάδ ισί για παντς μάσεκ. Οτθέ διαβάνενα με μπουτ μπαρί προσοχή ι Αγία Γραφή. Οντουλά σο ισί ειδικοί σκαπανείς ή ιεραπόστολοι ή σε εκ γραφείος τμήματος ή επίσκοποι περιοχής τθερένα ι ευκαιρία τι τζαν κι σχολή για τι σικλιόν μπουτ πράγματα σο κα βοηθίνεν τι βακέρντιβεν πιο λατσσές ντα πιο μπουτ ο λατσσέ αμπέρια ι Ντεβλέσκε σαρό κο ντουνιάς.

• Σαρ βοηθίνελα εκχέ τζενές η Σχολή σο Τζάνα ο Σκαπανείς;

• Κάσκε κερντιλί η Σχολή για Ευαγγελιστές της Βασιλείας;