Download:

• Bashepaskro Liil

1. 1. I rati hi,

   o diwes well.

   O Debleha joi rakrell:

   “Ap i tchawe un

   i phralenge, dik.

   Tata, ma muk men kokres.”

   I soor lestar krella laha,

   kai joi nashrella lakri daar.

   Ap i mui lakro sapen

   atchell — un jaake joi giwell:

   (REFRAIN)

   ‘Tuke dau me soor,

   me mukau tut gar.

   Me pash tute hum,

   tu hal miro maal.’

   Sorles ’mau te atchell,

   koi gili joi giwell.

   “Tu hal lestar i maal,

   i soor dran leste well.”

   (BRIDGE)

   Hoi o diwes anell,

   kek djinell. Joi dell

   i tchawenge lakro dji.

   Joi sorles budrell,

   kokres joi gar atchell.

   An o dji kek traash lat hi.

2. 2. O dji dukell,

   o mui sanell,

   duk ’mell joi te khatrell.

   Sorles joi atchell,

   an lakro dji rowell li,

   joi doleske sik mangell.

   “Tata, man hi kanna doha,

   me krum, hoi hi an miri soor.”

   O Deblestar i soor joi haiwell,

   un jaake joi giwell:

   (REFRAIN)

   ‘Tuke dau me soor,

   me mukau tut gar.

   Me pash tute hum,

   tu hal miro maal.’

   Sorles ’mau te atchell,

   koi gili joi giwell.

   “Tu hal lestar i maal,

   i soor dran leste well.”

   “Tu hal lestar i maal,

   i soor dran leste well.”