But manush pushenpe: “Sostar sam katse?” ai “Pala soste te trais?”. E Biblia phenel ke trais te shai avas amiguria katar o Del. Te shai aliaras kako, si te dikhas uni prame kai sikavel e Biblia.

•   O Del si kon kerdias amen. E Biblia phenel ke: “[O Del] kerdias ame, ai ame sam leske” (Psalmo 100:3, E Nevi Viasta ai o Psalmo [ENV]; Sicharimos [Apokalipsis] 4:11).

•   Si pala soste kerdias o Del le manushen ai suako prama kai kerdias (Isaías 45:18).

•   O Del kerdias amen te trobul amen lestar, pala godo kamas te zhanas soske trais (Mate 5:3). O Del kamel chachimasa te zhanas godo (Psalmo 145:16, ENV).

•   Kana thas amendar te prinzharas ka o Del ai te avas leske amiguria shai avas veselime, godo si vareso kai savorhe shai keras. Vi, e Biblia phenel amenge: “Pashon pasha Del, ai O Del pashola pasha tumende” (Iakov 4:8; 2:23).

•   Te shai avas amiguria katar o Del, trobus te trais sar vo azhukerel amendar. E Biblia phenel: “Aliarau kako: trobus te daras katar o Del o chacho ai te keres so mothol lesko zakono, ke sa kako si so trobul te kerel o manush” (Eclesiastés 12:13).

•   Ande tsirha vriama, kana o Del ankalavela o kino ai kana dela iek traio kai chi mai si te getol ka peske amiguria, godola kai luvudin les chachimasa, si te dikhas sar kerdiol chachi e voia le Devleski le manushenge (Psalmo 37:10, 29, ENV).