1. Ammanamiyohu qarooyye meenti no;

Saara, Asteeri, Ruuti, wolootuno.

Insa Magano lowo geya baxanno;

Konni meentiha suˈmansa anfoommo.

Kayinni suˈmansa kulloonnikkihu,

Magano baxaahu wolu meentino no.

2. Ammanaminoreeti, worbuulleho;

Baxillu noonsareeti, danchuulleho.

Danchu akatinsa baxxe leellanno;

Manna baalaho lawishsha ikkanno.

Insa gede ammanamiyoreeti,

Dirinkera noohu meya roduuwinkeno.

3. Ammanantinoyiri meya roduuwinke,

Seekkitine affinoonni qeechaˈne.

Maahoyye yitine galtinayireeti;

Jawaatte, Yihowa irkisannoˈne.

Konnira horo waajjitinoonte;

Isi kaaˈlannoˈne; muleeti gatoˈne.