O le tusi “Matamata i le Nuu Lelei” o loo faamatala auʻiliʻili ai faafanua o le Tusi Paia, e mafai ona e faaaogāina e suʻesuʻe loloto ai i le Tusi Paia. E tele faamatalaga o loo i le Tusi Paia e faatatau i nofoaga, aai ma laufanua. E fesoasoani faafanua i le “Matamata i le Nuu Lelei,” e faaāta ai i lou mafaufau mea e te faitau ai i le Tusi Paia ma iloa ai nofoaga na tutupu ai. E fesoasoani foʻi iā te oe e malamalama ai i laufanua i le Tusi Paia, ma le tāua o mea na tutupu ai.

I le tusi “Matamata i le Nuu Lelei,” o loo i ai faafanua ma siata felanulanuaʻi o nofoaga eseese o le lalolagi i taimi o le Tusi Paia. O loo aofia ai foʻi ata, ma ata na tusia e faaaogā ai polokalame faakomepiuta, ma e tele foʻi mea o loo iai e fesoasoani i au suʻesuʻega loloto.

E mafai e faafanua o le Tusi Paia ona e

• malamalama ai i laufanua na femalagaaʻi ai Aperaamo, Isaako ma Iakopo

• iloa ai auala na uia e Isaraelu ina ua latou tuua Aikupito mo le Nuu Folafolaina

• faatusatusa ai vaipanoa na iai Isaraelu ma atunuu na siʻomia lea na fai ma ona fili

• iloa ai nofoaga na malaga ai Iesu i lana faiva

• malamalama ai i le tele o atunuu na pule ai malo o loo taʻua i le Tusi Paia e pei o Papelonia, Eleni ma Roma

E mafai ona e maua nei faafanua o le Tusi Paia i le Lomiga Faale-Tusi Paia I LE INITANETI.