O le ā le Manatu o le Tusi Paia?
Pe e mafai e le Tusi Paia ona fesoasoani iā te oe e feagai ma popolega?
O le ā lau tali?
Ioe
Leai
Atonu
Le manatu o le Tusi Paia
“Ia taʻu atu o outou popolega uma [i le Atua], auā o loo manatu mamafa mai o ia iā te outou.” (1 Peteru 5:7) Ua faamautinoa mai i le Tusi Paia e mafai e le Atua ona fesoasoani iā te oe ina ia e maua se mapusaga mai i ou popolega.
Isi mea e tatou te aʻoaʻoina mai i le Tusi Paia
E ala i le tatalo, e mafai ona e maua ai “le filemu mai i le Atua” lea e faaitiitia ai popolega.—Filipi 4:6, 7.
E lē gata i lea, o le faitauina o le Afioga a le Atua e mafai foʻi ona fesoasoani iā te oe e fesagaʻia ai le popole.—Mataio 11:28-30.
Po o le a aveesea popolega?
E manatu nisi . . . o popolega o se tulaga masani, ae e talitonu isi e faatoʻā mou ese atu popolega i se isi olaga pe a mavae le oti. Ae o le ā sou manatu?
Le manatu o le Tusi Paia
O le a aveesea e le Atua mea e māfua ai le popole. “E lē toe iai se oti, po o se faanoanoa, po o se tagiauē, e lē toe iai foʻi se tigā.”—Faaaliga 21:4.
Isi mea e tatou te aʻoaʻoina mai i le Tusi Paia
I lalo o le pulega o le Malo o le Atua, o le a ola fifilemu tagata.—Isaia 32:18.
E lē toe manatua ni popolega.—Isaia 65:17.
E te Ono Fiafia Foʻi
ISI MATAUPU
Tane, e Faapefea Ona Fesoasoani le Tusi Paia i o Outou Popolega?
O popolega o se faafitauli ua faatupulaʻia i nei aso e sili ona faigatā. Pe afai o loo e feagai ma popolega, e mafai ona fesoasoani le Tusi Paia iā te oe.
O LE TUSI PAIA–O LE FAALILIUGA A LE LALOLAGI FOU (TOE TEUTEUINA I LE 2013)
E Faapefea Ona E Fesagaʻia Popolega?
E mafai ona fesoasoani atu le Tusi Paia, pe afai ua lofitūina oe i le popole.
