Di Yesus ben de na grontapu a ben sori taki a lobi sma trutru, spesrutu den pôtiwan nanga den sma di ben de na nowtu (Mateyus 9:36). A gi en libi srefi leki ofrandi so taki trawan kan kisi ferlusu (Mateyus 20:28; Yohanes 15:13). Heri esi a o sori baka taki a lobi sma te a gebroiki a makti nanga a krakti fu en leki Kownu fu Gado Kownukondre fu sorgu taki nowan sma na grontapu pôti moro.

 Bijbel e sori na wan heri moi fasi fa Yesus o du dati:

•   „Meki a opo taki gi den mofinawan fu a pipel. Meki a ferlusu den pkin fu den pôtiwan.”​—Psalm 72:4.

 Fa wi kan sori taki wi de nanga tangi gi ala den sani di Yesus du kba gi wi èn gi den sani di a o du gi wi ete? Na Lukas 22:19, Yesus taigi den bakaman fu en fu memre a dede fu en. Dati meki Yehovah Kotoigi e kon makandra wán leisi ibri yari fu memre a dede fu en. Wi e gi yu a kari fu kon makandra nanga wi fu memre a dede fu Yesus tapu sonde 24 maart 2024.

Luku pe wan konmakandra o de pe wi o memre a dede fu Yesus