San Bijbel e taki?
Bijbel man yepi yu nanga den broko-ede fu yu?
San yu ben o taki?
Iya
No
Kande
San Bijbel e taki?
„Trowe ala un hebi na tapu [Gado], bika a e broko en ede nanga unu” (1 Petrus 5:7). Bijbel e gi wi a dyaranti taki Gado man yepi wi nanga den broko-ede fu wi.
Sortu tra sani wi kan leri fu Bijbel?
Te wi e begi, dan „a freide fu Gado” o meki taki wi no o broko wi ede tumusi nanga den problema fu wi.—Filipisma 4:6, 7.
Te wi e leisi Gado Wortu, dan dati kan yepi wi tu fu no stress moro.—Mateyus 11:28-30.
Wan ten o kon pe wi no o abi nowan broko-ede moro?
Son sma e bribi . . . taki broko-ede nanga stress na wan pisi fu a libi. Trawan e bribi taki baka te wi dede, dan fosi wi e go na wan presi pe problema no de. San yu e denki?
San Bijbel e taki?
Gado o puru iniwan sani di e gi wi broko-ede. „Dede no o de moro. Nowan sari, noso krei, noso pen no o de moro.”—Openbaring 21:4.
Sortu tra sani wi kan leri fu Bijbel?
Te Gado Kownukondre o tiri, sma o libi na ini freide èn den no o abi broko-ede. —Yesaya 32:18.
Sma no o memre den problema nanga broko-ede fu fosi moro.—Yesaya 65:17.