‘Memetela Tindzaba Letimnandzi!’
Umhlangano Wesifundza WaBoFakazi BaJehova Wa-2024
Kungenwa mahhala • Kute lipuleti lemnikelo
Lokutawucocwa Ngako
Lesihlanu: Tfola bufakazi bekutsi tiliciniso tindzaba letimnandzi letimayelana naJesu letisemaVangelini letikhuluma ngalokwenteke ekuphileni kwakhe. Tfola kutsi tindzaba letiseBhayibhelini tingasisita njani lamuhla.
UMgcibelo: Yini lebeyiphrofethiwe ngekutalwa kwaJesu nangekuphila kwakhe asemncane, futsi letiphrofetho tagcwaliseka mbamba yini?
Lisontfo: Enkhulumeni yeliBhayibheli lenesihloko lesitsi “Yini Leyenta Singatesabi Tindzaba Letimbi?,” tfola kutsi yini leyenta tigidzi tebantfu lamuhla titive tivikelekile futsi tinesibindzi nanobe timo emhlabeni tiya tiba matima kakhulu.
Idrama YeliBhayibheli
Indzaba Lemayelana Nemsebenti Lowentiwa NguJesu: Sicephu 1
Kukhanya Kweliciniso Lokukhanyisela Umhlaba
Kutalwa kwaJesu ngalokusimangaliso kwaba ngulenye yetintfo letimangalisako letenteka ngesikhatsi asemncane. Lenye inkhosi beyifuna kumbulala futsi batali bakhe bahamba naye eGibhithe. Ngekuhamba kwesikhatsi, wamangalisa labanye bafundzisi lebebanelwati lolunyenti ngesikhatsi sakhe. Bukela loku kanye nalokunye lokwenteka kulesicephu sekucala lesinetincenye letimbili ngaLesihlanu nangeMgcibelo.
Bukela lama-video lalandzelako lamayelana nemhlangano wesifundza walomnyaka
Yini Leyentekako Emihlanganweni Yetfu Lemikhulu?
Utawubona kutsi yini leyentekako emhlanganweni wesifundza waBoFakazi BaJehova.
Umhlangano Wesifundza WaBoFakazi BaJehova Wa-2024 Lotsi: ‘Memetela Tindzaba Letimnandzi!’
Buka kutsi kutawube kukhulunywa ngani kulomhlangano wesifundza walonyaka.
Emabalengwe Edrama YeliBhayibheli: Indzaba Lemayelana Nemsebenti Lowentiwa NguJesu
Bantfu labanyenti bayati kutsi Jesu watalwa ngendlela lesimangaliso. Kodvwa ngutiphi tintfo letenteka ngaphambi kwekutalwa kwakhe nangemuva kwaloko?