Ka July 2022, ho tlalehiloe ho phahama ha mocheso ka tsela e sa tloaelehang lefatšeng lohle:

•   “Ka lekhetlo la bobeli khoeling ena, China e ile ea hlokomelisa batho hore litoropong tse ka bang 70 ho tla ba le mocheso o kotsi.”​—July 25, 2022, CNN Wire Service.

•   “Linaheng tse ngata Europe, meru e ea cha ka lebaka la mocheso o matla.”​—July 17, 2022, The Guardian.

•   “Ka Sontaha ka lekhetlo la pele ho ile ha chesa haholo litoropong tse ngata tsa Amerika.”​—July 24, 2022, The New York Times.

 Na see se bolela hore ha nako e ntse e-ea lefatše e ke ke ea e-ba sebaka se sireletsehileng bakeng sa ho phela? Bibele e re’ng tabeng ee?

 Ho joalo. Mocheso o ntseng o phahama lefatšeng lohle o lumellana le seo Bibele e ileng ea se bua hore se tla etsahala mehleng ena. Ka mohlala, Jesu o ile a bolela esale pele hore re tla bona “lintho tse tšosang.” (Luka 21:​11) Ho phahama ha mocheso lefatšeng lohle, ho entse hore batho ba tšohe hore lintho tseo batho ba bang li etsang li tla senya lefatše.

 Che. Molimo o bopile lefatše e le hore batho ba ka phela ho lona ka ho sa feleng. (Pesaleme ea 115:​16; Moeklesia 1:4) A ke ke a lumella batho ho senya lefatše, ho e-na le hoo, o tla ‘felisa ba senyang lefatše’ joalokaha a tšepisitse.​—Tšenolo 11:18.

 Nahana ka mehlala ena e ’meli ea boprofeta e bontšang hore na Molimo o tšepisa eng hape:

•   “Lefeella le sebaka se omeletseng li tla thaba le lehoatata le tla thaba ’me le thunye joaloka lipalesa tsa safrone.” (Esaia 35:1) Ho e-na le hore Molimo a lumelle hore lefatše e be lehoatata, o tla lokisa likarolo tsa lona tse senyehileng.

•   “U hlokomela lefatše, u etsa hore le behe lijalo tse ngata ebile oa le nontša.” (Pesaleme ea 65:9). Molimo o tla etsa hore lefatše e be paradeise.

 E le hore u fumane lintlha tse ling mabapi le hore na maemo a ntseng a fetoha a leholimo a phethahatsa boprofeta ba Bibele joang, bala sehlooho se reng “Climate Change and Our Future​—What the Bible Says” (“Bibele e Re’ng ka ho Feto-fetoha ha Maemo a Leholimo le Bokamoso ba Rona?”)

 E le hore u fumane lintlha tse ling ka seo Bibele e se tšepisang ka ho lokisoa ha maemo a lefatše, sheba sehlooho se reng “Who Will Save the Earth?” (“Ke Mang ea Tla Pholosa Lefatše?”)