SEHLOOHO SE KA NTLE | NA BIBELE E KA RE THUSA KAJENO?
Melao E Sa Siuoeng Ke Nako—Boitšoaro
MOLAO-MOTHEO OA BIBELE: “Ea hlokang kelello o hlahatsa moea oohle oa hae, empa ea bohlale o o boloka o khutsitse.”—Liproverbia 29:11.
“Ke ikutloa eka ke pholositsoe lefung!”
MELEMO: Haeba u ne u lokela ho ngola ka melemo eohle ea ho bontša boitšoaro, u ne u tla hloka maqephe a mangata! Ntho ea bohlokoa le ho feta ke hore re tla phela hantle ha re bontša tšobotsi ena. Bibele e re: “Pelo e nang le khutso ke bophelo ba sebōpuoa sa nama.” Hape e re, “pelo e thabileng ke moriana o motle.” (Liproverbia 14:30; 17:22) Ka lehlakoreng le leng, liphuputso li bontša hore batho ba ratang ho halefa le ba tletseng lehloeo, ba ipeha kotsing ea ho kula, haholo-holo ea ho tšoaroa ke lefu la pelo. Ha e le hantle, ho na le molemo e meng eo motho a tla e fumana ha a bontša boitšoaro.
Cassius, ea lilemo li ka holimo ho 30, o re: “Ke ne ke rata ho ngangisana le batho, ke halefa lefeela ebile ke rata ho loana. Ke ne ke sa itlhomphe ho hang. Empa seo sohle se ile sa fetoha ha ke qala ho sebelisa melao-motheo ea Bibele. Ke ile ka ithuta ho laola maikutlo, ho ikokobetsa le ho tšoarela ba bang. Ho seng joalo, nka be ke ile ka qetella ke tšoeroe. Ruri ke ikutloa eka ke pholositsoe lefung!”
Cassius o ile a ithuta ho laola bohale le ho tšoarela ba bang
Mohlomong u ka Rata le
TSOHA!
Melao ea Boitšoaro e Ruisang Molemo e le Kannete
Batho ba bangata ba re: ‘Etsa seo u bonang se nepahetse. Latela pelo ea hao.’ Na ho bohlale ho nahana ka tsela ee? Hlokomela kamoo Bibele e fanang ka melao eo u ka e tšepang kateng.
