1. Molimo’a hao ke mang,

Eo u tla mo mamela?

Ke eo u tla mo khumamela

Le eo u mo sebeletsang.

U ke ke oa hlompha

Marena a mabeli

’Me oa a rata ka ho lekana

Ka pelo eohle ea hao.

2. Molimo’a hao ke mang,

Eo u tla mo mamela?

Ke uena ea tla ikhethela,

Hobane oa ’nete u mong.

Na u tla mamela

Babusi ba lefatše,

Kapa u tla mamela Molimo

’Me u mo tšepahalle?

3. Molimo’a ka ke mang?

Ke mamela Jehova.

Ke Ntate oa ka ea lerato

’Me ke tla mo tšepahalla.

Ka theko’e phahameng,

O ile a ntopolla.

Bophelong bohle ba ka ke tla ‘nè

Ke rorise Jehova.