Dina Senén isuk, 10 Oktober 2022, rudal Rusia ngancurkeun sababaraha kota di Ukraina. Rusia ngabales Ukraina lantaran dua poé saacanna Ukraina ngancurkeun jambatan nu penting nu ngahubungkeun Krimea jeung Rusia. Hal ieu kajadian teu lila sanggeus para politisi méré paringetan yén Armagédon téh geus téréh.

•   ”Ti saprak jamanna [Présidén AS John F.] Kennedy jeung Krisis Rudal Kuba, urang teu pernah sakieu deukeutna ka Armagédon. . . . Ceuk pamikir abdi mah moal mungkin urang ngagunakeun senjata nuklir tapi teu nyababkeun Armagédon.”​—Présidén AS Joe Biden, 6 Oktober 2022.

•   ”Abdi satuju sakeudeung deui bakal Armagédon. Ieu téh ancaman keur sakuliah dunya.”​—Présidén Ukraina Volodymyr Zelensky, waktu manéhna ditanya ngeunaan akibat tina ngagunakeun senjata nuklir, BBC News, 8 Oktober 2022.

 Naha enya lamun senjata nuklir digunakeun téh bakal nyababkeun Armagédon? Kumaha ceuk Alkitab?

 Henteu. Kecap ”Armagédon” téh ngan muncul sakali dina Alkitab, nyaéta dina Wahyu 16:16. Ieu téh lain ngamaksudkeun perang antara bangsa-bangsa, tapi perang antara Allah ngalawan ”raja-raja di sakuliah bumi”. (Wahyu 16:14) Dina Perang Armagédon, Allah bakal numpes sakabéh pamaréntahan manusa.​—Daniel 2:44.

 Pikeun katerangan leuwih loba ngeunaan naon pangaruh Armagédon ka planét bumi, mangga baca Naon Perang Armagédon téh?

 Henteu. Mémang, bisa waé ka hareupna para pamingpin dunya ngagunakeun senjata nuklir, tapi Allah moal ngantep planét bumi ieu ancur. Kieu jaminan tina Alkitab:

•   ”Bumi mah tetep-tumetep.”​—Pandita 1:4, Terjemahan Dunia Baru.

•   ”Jalma bener bakal ngapimilik bumi, maranéhna bakal hirup di dinya salilana.”​—Jabur 37:29, Terjemahan Dunia Baru.

 Tapi nu dijelaskeun Alkitab sarta kajadian-kajadian ayeuna nunjukkeun yén sakeudeung deui bakal aya parobahan nu gedé pisan keur umat manusa. (Matius 24:3-7; 2 Timotius 3:1-5) Mangga pariksa naon nu diajarkeun ku Alkitab ngeunaan mangsa ka hareup ku cara miluan kursus Alkitab gratis Saksi-Saksi Yéhuwa.