Reuniaun Boot husi Testemuña ba Jeová tinan 2024 ho tema
“Fó sai liafuan diʼak!”
La presiza selu • La husu ezmola
Ita sei haree no rona
Sesta: Ita sei haree evidénsia neʼebé hatudu katak liafuan diʼak kona-ba Jesus iha livru Evanjellu mak istória neʼebé loos. Aprende oinsá neʼe bele lori benefísiu ba ita.
Sábadu: Saida mak Bíblia fó sai nanis kona-ba Jesus nia moris, no neʼe sai loos duni ka lae?
Domingu: Tanbasá ema barak ohin loron bele sente seguru no iha konfiansa kona-ba futuru maski mundu nia situasaun sai aat ba beibeik? Ita bele hetan resposta ba pergunta neʼe iha diskursu Bíblia ho títulu “Tanbasá ita la presiza taʼuk kona-ba notísias neʼebé la diʼak?”
VÍDEO DRAMA
Liafuan diʼak husi Jesus: Episode 1
Naroman neʼebé loos ba mundu
Jesus moris mai liuhusi milagre ida, no neʼe mak akontesimentu ida neʼebé kmanek tebes. Maibé iha mós akontesimentu importante seluk neʼebé kona ninia moris kuandu nia sei kiʼik. Porezemplu, ninia inan-aman lori nia ba rai-Ejitu tanba liurai ida hakarak oho nia. Tuirmai, nia halo mestre diʼak sira hakfodak. Ita bele nonton akontesimentu sira-neʼe no seluk tan iha parte ida no rua husi episode primeiru iha loron-sesta no sábadu.
Haree vídeo sira tuirmai kona-ba reuniaun boot tinan neʼe
Oinsá ami halaʼo reuniaun boot?
Buka-hatene saida deʼit mak Ita sei haree no aprende bainhira asiste reuniaun boot husi Testemuña ba Jeová.
Reuniaun Boot husi Testemuña ba Jeová tinan 2024: “Fó sai liafuan diʼak!”
Haree saida mak Ita sei aprende iha reuniaun boot tinan neʼe.
Vídeo badak kona-ba drama: Liafuan diʼak husi Jesus
Ema barak hatene katak Jesus moris mai liuhusi milagre ida. Maibé saida mak akontese antes no depois akontesimentu importante neʼe?