Eka, satria tean’Andrianagnahare hiarake hivory mba hivavake ama’e o ndatio. Hoe ty Baiboly: “Andao tika hifampihevetse mba hifandrisike hanoro hatea naho hanao asa soa, le tsy hahafoe ty fiharoantikagne mivory.”​—Hebreo 10:24, 25.

 Trea amy ty raha nirehafe i Jesosy fa hiarake hivavake aman’Andrianagnahare o mpanonjohy ty lia’eo. Ty anto’e, izao ty nirehafe’e tamy iareo: “Naho mifankatea nareo, le izay ty hahafantara ze kila ndaty fa mpianako nareo.” (Jaona 13:35) Tsy ho afake hifankatea o mpanonjohy ty lia’eo naho tsy mifagnosehose. Halamigne mba hanjare fiangonagne iareo sady hiarake hivory tsy tapake mba hivavake. (1 Korintianina 16:19) Hoe mpirahalahy iareo iaby.​—1 Petera 2:17.

Ampe vao tihoe mivavake amy ty fivavahagne raike?

 Maregne fa mirehake ty Baiboly tie toko’e hiarake hivavake aman’Andrianagnahare o ndatio. Faie tsy mampianatse reke tie naho fa managne ty fivavaha’e ty ndaty raike le fa mampifale an’Andrianagnahare. Tsy ankasitrahan’Andrianagnahare ty fivavahagne orihe ty ndaty raike naho tsy misy voka’e soa amy ze raha atao’e isan’andro. Mirehake, ohatse, ty Baiboly tie: “Izao ty fivavahagne malio sady tsy misy loto agnatrehan’Andrianagnahare Raentikagne: Ty mikarakara ty bode naho ty ampela vantotse amy ty haorea’e, sady miaro tegna lognandro tsy ho voaloto o ndaty iaby tsy manompo an’Agnahareo.”​—Jakoba 1:27.