IOR MBAGENEV NA JIGHJIGH ér Tartor u Aôndo ngu ka ken ishima i or; mbagen di nenge ér Tartor la ua va sha iniôngon i uumace i keren ér tar cii u lu ken bem man mzough la. Ú Nenge Nena?

KWAGH U BIBILO I KAA YÔ

“Aôndo u Sha Una ver tartor ugen u ua gba mayange ga yô, . . . ua hembe ityartor [i uumace] ne cii avur avur, ua tim i.” (Daniel 2:44) Tartor u Aôndo la ka gomoti kpôô kpôô.

KWAGH UGEN U BIBILO I TESE SE YÔ

• Tartor u Aôndo ngu sha, kpa ua gema a hemen tar.—Mateu 10:7; Luka 10:9.

• Aôndo una na a gema eren ishima na sha kua shin tar sha ikyev i Tartor na la.—Mateu 6:10.

U KAA WER NYI?

• Or môm fa ga

• Ngu sôôn van

• Ua va mayange ga

KWAGH U BIBILO I KAA YÔ

“Loho u Dedoo u tartor ne yô, á ôr u á tser tar, sha u u̱ lu mpase hen akuraior cii; ka zum la man mkur una kuma ye.” (Mateu 24:14) A pasen loho u dedoo a tseren tar je maa, Tartor u Aôndo ua va tim tar u ifer ne kera.

KWAGH UGEN U BIBILO I TESE SE YÔ

• Or môm môm shin tar nan fa shighe u Tartor u Aôndo ua va jighilii ga.—Mateu 24:36.

• Kwaghôron u profeti u ken Bibilo tese ér Tartor u Aôndo ngu sôôn van.—Mateu 24:3, 7, 12.