1. Ýehowa, gökdäki Atamyz,

Bu gün iň mukaddes agşam.

Akyldarlygyňy, söýgiňi, güýjüňi

Iň wajyp gün gördük hasam.

Öň halas edipdi halkyňy

Pashalyk guzynyň gany.

Ençe ýyldan bolsa Isa berdi jany,

Halas etmek üçin ynsany.

2. Tölegi ýatladar wajyp gün

Dünýäniň soňy gelýänçä.

Ýeke-täk Ogluňy, iberdiň Isany,

Wepaly boldy ölýänçä.

Ýüregimiz şatlykdan dolar

Her ýyl belläp şol gijäni.

Isanyň ölümi, döken kämil gany

Halas etdi bütin dünýäni.

 3. Ynha, ýygnanyşdyk öňüňde,

Çakylygyňa bolup şat.

Mesihi taryplap alkyşlar aýdarys,

Ogluňa goýarys hormat.

Mukaddes Ýatlama agşamy

Berkidýär imanymyzy.

Öwrenip Isadan, ýöresek ýolundan,

Halas ederis janymyzy.