“Ko te Atua . . . ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā.”​—Fakaaliga 21:3, 4, Ko Te Feagaiga Fou.

E mautinoa e hē fakatupu mai e te Atua o tatou fakafitauli.​—Iakopo 1:13.

E mafanafana i te iloa e mafaufau mai te Atua ki o tatou puapuagā.​—Hakalia 2:8.

E fakamoemoe ka iku nā puapuagā.​—Halamo 37:9-11.

Io, e lua ia mafuaga:

• E inoino te Atua ki nā puapuagā ma nā fakamahino e hē tonu. Mafaufau ki lagona o te Atua i te vaitaimi o te Tuhi Paia nae faikino ai ona tagata. E lea mai te Tuhi Paia na popole ia auā ko nā tino “kua fakahāuā ma fakatīgā ki a te ki latou.”​—Fakamahino 2:18, O le Tusi Paia 1884.

  E hē fiafia te Atua ki nā tino e fakakino ki iētahi tino. Mo he fakatakitakiga, e lea mai te Tuhi Paia e inoino ia ki nā “lima e fakamaligi te toto o tē kua hē hala.”​—Fataoto 6:16, 17.

• E manatu mai te Atua ki a te ki tatou tautokatahi. Kua iloa nā tino “tautokatahi tona malaia, ma tona tīgā” kae e iloa foki e Ieova!​—2 Nofoaiga a Tupu 6:29, 30, New World Translation.

  E ala i tona Mālō, ka fakaiku ai e Ieova nā puapuagā o nā tino tautokatahi. (Mataio 6:9, 10) Kae i te taimi tēnā, e ia fakamāfanafana nā tino fakamaoni e hakili ki a te ia.​—Galuega 17:27; 2 Kolinito 1:3, 4.