Ke Eng fa re Tshwanetse go Rapela ka Leina la ga Jesu?
Karabo ya Baebele
Re tshwanetse go rapela Modimo ka leina la ga Jesu ka gonne eno ke yone fela tsela e Modimo a e amogelang ya gore re bue le ene. Jesu o ne a re: “Ke nna tsela le boammaaruri le botshelo. Ga go na ope yo o tlang kwa go Rara fa e se ka nna.” (Johane 14:6) Gape Jesu o ne a raya baaposetoloi ba gagwe ba ba ikanyegang a re: “Ammaaruri ammaaruri ke a lo raya, fa lo kopa sengwe mo go Rara o tla se lo naya ka leina la me.”—Johane 16:23.
Mabaka a mangwe a go rapela ka leina la ga Jesu
Re tlotla Jesu le Rraagwe e bong Jehofa Modimo.—Bafilipi 2:9-11.
Re bontsha gore re anaanela loso lwa ga Jesu e re ka e le thulaganyo ya Modimo ya go re boloka.—Mathaio 20:28; Ditiro 4:12.
Re lemoga seabe se se kgethegileng sa ga Jesu sa go nna Mmueledi fa gare ga Modimo le batho.—Bahebera 7:25.
Re tlotla tirelo ya ga Jesu e le Moperesiti yo Mogolo yo o ka re thusang gore re nne le kamano e e molemo le Modimo.—Bahebera 4:14-16.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
A ke Tshwanetse go Rapela Baitshepi?
Utlwa gore Baebele ya re re tshwanetse go rapela mang.
TORA YA TEBELO
O ka Rapela Jang Gore Modimo a Utlwe Dithapelo Tsa Gago?
O ka rapela Modimo nako nngwe le ngwe gongwe le gongwe, o rapelela kwa godimo kgotsa mo pelong. Jesu o re rutile gore re ka rapela jang.
