Talateu ki he Ngaahi Tohi Tohi Tapú
ʻOku ʻomai ʻi he ngaahi lēsoni ʻi he vitiō nounou ko ení ha fakamatala mahuʻinga ki he puipuituʻa mo e meʻa ʻi loto ʻi he ngaahi tohi ʻi he Tohi Tapú. Ngāueʻaki ʻa e ngaahi vitiō ko ení ke fakaleleiʻi ʻa hoʻo lau Tohi Tapú mo e ako fakafoʻituituí.
Talateu ʻo Sēnesí
ʻOku ʻomai ʻi he tohi Sēnesí ʻa e fakamatala mahuʻinga fekauʻaki mo e tupuʻanga ʻo e faʻahinga ʻo e tangatá pehē foki ki he tupuʻanga ʻo e faingataʻaʻiá mo e maté.
Talateu ʻo ʻEkisotó
Naʻe fakahaofi ʻe he ʻOtuá ʻa e kau ʻIsilelí mei he nofo pōpula ʻi ʻIsipité pea ʻai kinautolu ko ha puleʻanga kuo fakatapui kiate ia.
Talateu ʻo Livitikó
Sio ki he founga hono fakamatalaʻi ʻi he tohi Livitikó ʻa e māʻoniʻoni ʻo e ʻOtuá mo e ʻuhinga ʻoku mātuʻaki mahuʻinga ai ke tau māʻoniʻoní.
Talateu ʻo Nōmipá
Sio ki he mahuʻinga ʻa e talangofua kia Sihova pea fakaʻapaʻapaʻi ʻa e faʻahinga kuó ne fili ke tataki ʻene kakaí.
Talateu ʻo Teutalōnomé
Sio ki he founga naʻe tapua atu ʻe he Lao ʻa Sihova ki he kau ʻIsilelí ʻa ʻene ʻofa loloto ki heʻene kakaí.
Talateu ʻo Siosiuá
Sio ki he founga hono ikunaʻi mo hono vahe ʻe he puleʻanga ʻo ʻIsilelí ʻa e fonua naʻe foaki ange ʻe he ʻOtuá.
Talateu ʻo Fakamāú
Ko e tohi ko ení ʻoku fakahingoa ki he kau tangata loto-toʻa ʻo e tuí ʻa ia naʻe ngāueʻaki kinautolu ʻe he ʻOtuá ke fakahaofi hono kakaí mei hono ngaohikoviá.
Talateu ʻo Luté
ʻOku fekauʻaki ʻa e tohi ʻa Luté mo e ʻofa feilaulauʻi-kita ʻa ha uitou kei siʻi ki heʻene faʻē-ʻi-he-fonó ʻa ia ko ha uitou pea mo hono fakapaleʻi kinaua ʻe Sihová.
Talateu ʻo 1 Sāmiuelá
Sio ki he founga naʻe liliu ai ʻa e hisitōlia ʻa e kau ʻIsilelí mei he taimi ʻo e kau Fakamāú ki he pule fakatuʻi.
Talateu ʻo 2 Sāmiuelá
Sio ki he ʻuhinga naʻe ʻofeina lahi mo ʻiloa ai ʻa Tēvita ʻi he Tohi Tapú koeʻuhi ko ʻene anga-fakatōkilaló mo ʻene tuí.
Talateu ʻo 1 Tuʻí
Muimuiʻi ʻa ʻIsileli ʻi he ngaahi ʻaho ʻo e lakalakaimonū ʻi he pule ʻa Tuʻi Solomoné ʻo aʻu ki he kuonga faingataʻa ʻo e ongo puleʻanga ʻo ʻIsileli mo Siutá.
Talateu ʻo 2 Tuʻí
Sio ki he faingataʻaʻia lahi ʻa e puleʻanga fakatokelau ʻo ʻIsilelí koeʻuhi ko e tafoki ʻo fakafepaki ki he moʻoní, lolotonga iá naʻe tāpuakiʻi ʻe Sihova ʻa e niʻihi tokosiʻi ʻi heʻenau tauhi loto kakato kiate iá.
Talateu ʻo 1 Kalonikalí
Muimuiʻi ʻa e laine fakafāmili pea mo e moʻui fakatoʻoaloto ʻa e tuʻi manavahē-ʻOtua ko Tēvitá mei hono fakanofo ia ko e tuʻi ʻo ʻIsilelí ʻo aʻu ki heʻene maté.
Talateu ʻo 2 Kalonikalí
Sio ki he anga hono fakamamafaʻi ʻe he hisitōlia ʻo e ngaahi tuʻi ʻo Siutá ʻa e mahuʻinga ʻo e mateaki ki he ʻOtuá.
Talateu ʻo ʻĒselá
Naʻe fai ʻe Sihova ki heʻene talaʻofa ke fakatauʻatāinaʻi hono kakaí mei he fakaheeʻi ʻi Pāpiloné pea toe fakafoki ʻa e lotu moʻoni ʻi Selusalemá.
Talateu ʻo Nehemaiá
Ko e tohi ʻa Nehemaiá ʻoku ʻomai ai ʻa e lēsoni mahuʻinga ki he kotoa ʻo e kau lotu moʻoni ʻi he ʻaho ní.
Talateu ʻo ʻĒsetá
Ko e meʻa naʻe hoko ʻi he ngaahi ʻaho ʻo ʻĒsetá te ne fakaivimālohiʻi hoʻo tui ki he malava ʻa Sihova ko e ʻOtuá ke fakahaofi ʻene kakaí mei he fakatanga he ʻaho ní.
Talateu ʻo Siopé
Ko e faʻahinga kotoa ʻoku ʻofa kia Sihová ʻe ʻahiʻahiʻi. Ko e tohi Siopé ʻoku ʻomai ai ʻa e tuipau ʻoku lava ke tau tauhi maʻu ʻetau anga-tonú mo pouaki ʻa e tuʻunga-hau ʻo Sihová.
Talateu ʻo Saame
ʻOku poupouʻi ʻe he Sāmé ʻa e tuʻunga-hau ʻo Sihová, tokoniʻi mo fakafiemālieʻi ʻa e faʻahinga ʻoku nau ʻofa kiate iá, pea fakahaaʻi ʻa e founga ʻe liliu ai ʻa e māmaní fakafou ʻi hono Puleʻangá.
Talateu ʻo Palōveepi
Maʻu ʻa e tataki fakaʻotua ki he tafaʻaki kotoa ʻo e moʻuí—mei he meʻa fakapisinisí ki he meʻa fakafāmilí.
Talateu ʻo Koheletí
ʻOku fakamamafaʻi ʻe Tuʻi Solomone ʻa e ngaahi meʻa ʻoku mahuʻinga taha ʻi he moʻuí pea fakafaikehekeheʻi mo e ngaahi meʻa ʻoku fepaki mo e poto fakaʻotuá.
Talateu ʻo Hiva ʻo e Hivá
Ko e ʻofa tuʻuloa ʻa e taʻahine Sūlemí ʻoku fakamatalaʻi hangē “ko e matuʻaki ulo meia Iaa” Ko e hā hono ʻuhingá?
Talateu ʻo ʻAiseá
Ko e tohi ʻAiseá ko e tohi ia ʻo e kikite moʻoni pea lava ke ne fakaivimālohiʻi hoʻo falala kia Sihova ko e Tokotaha-Fakahoko ʻo e ngaahi talaʻofá pea ko e ʻOtua ia hotau fakahaofí.
Talateu ʻo Selemaiá
Naʻe pipiki faitōnunga ʻa Selemaia ki heʻene vāhenga-ngāue ko ha palōfita neongo ʻa e faingataʻá. Fakakaukau ki he ʻaonga ʻene faʻifaʻitakiʻangá ki he kau Kalisitiane ʻi he ʻaho ní.
Talateu ʻo Tangilāulaú
Hiki ʻe he palōfita ko Selemaiá, ʻoku fakamatalaʻi ʻe he tohi Tangilāulaú e mamahi ʻi he fakaʻauha ʻo Selusalemá pea fakahaaʻi ʻa e iku e fakatomalá ki he meesi fakaʻotuá.
Talateu ʻo ʻIsikelí
Naʻe fakahoko anga-fakatōkilalo mo loto-toʻa ʻe ʻIsikeli ha faʻahinga ngāue pē naʻe ʻoange ʻe he ʻOtuá, tatau ai pē pe ko e hā hono faingataʻá. Ko ʻene faʻifaʻitakiʻangá ʻoku ʻaonga ia kiate kitautolu ʻi he ʻahó ni.
Talateu ʻo Tanielá
Naʻe nofoʻaki faitōnunga ʻa Taniela mo hono ngaahi kaungāmeʻá kia Sihova ʻi he tuʻunga kotoa pē. Ko ʻenau faʻifaʻitakiʻangá mo e fakahoko ʻo e kikité ʻoku ʻaonga kiate kitautolu he taimí ni, ʻi he taimi ʻo e ngataʻangá.
Talateu ʻo Hōseá
ʻOku ʻi he kikite ʻa Hōseá ha ngaahi lēsoni mahuʻinga kiate kitautolu ʻi he ʻahó ni fekauʻaki mo e meesi ʻa Sihova ki he kau faihala fakatomalá pea mo e faʻahinga lotu ʻokú ne fiemaʻú.
Talateu ʻo Sioelí
Naʻe kikite ʻa Sioeli ʻo fekauʻaki mo e ofi ʻa e “ʻaho ʻo Sihová” mo fakahaaʻi mai ʻa e kī ke hao aí. ʻOku fakavavevave ange ʻene kikité ʻi he ʻahó ni.
Talateu ʻo ʻĒmosí
Naʻe ngāueʻaki ʻe Sihova ʻa e tangata anga-fakatōkilaló ni ki ha ngāue mahuʻinga. Ko e hā ha lēsoni mahuʻinga ʻoku lava ke tau ako mei he faʻifaʻitakiʻanga ʻa ʻĒmosí?
Talateu ʻo ʻOpataiá
Ko e tohi nounou taha eni ʻi he Ngaahi Konga Tohi Tapu Faka-Hepeluú. ʻOku ʻomai ʻe he kikité ʻa e ʻamanaki mo e ngaahi talaʻofa ʻo hono fakatonuhiaʻi ʻa e tuʻunga-tuʻi ʻo Sihová.
Talateu ʻo Sioná
Naʻe tali ʻe he palōfitá ʻa e fakatonutonú, fai hono ngafá, pea naʻe akoʻi kiate ia ha lēsoni mahuʻinga ʻo e ʻofa mateaki mo e meesi ʻa e ʻOtuá. ʻE aʻu ʻene ngaahi hokosiá ki hotau lotó.
Talateu ʻo Maiká
Ko e kikite fakamānavaʻi fakaʻotuá ni ʻokú ne fakaivimālohiʻi ʻetau falala ʻoku fiemaʻu mai ʻe Sihova ʻa e meʻa pē ʻoku ʻuhinga lelei mo ʻaonga.
Talateu ʻo Nēhumí
ʻOku ʻomai ʻe he kikité ʻa e falala-pau ʻoku fakahoko maʻu pē ʻe Sihova ʻene folofolá pea ʻokú ne ʻomai ʻa e fakafiemālie ki he faʻahinga kotoa ʻoku kumi ki he melinó mo e fakamoʻuí ʻi hono Puleʻangá.
Talateu ʻo Hapakuké
ʻOku tau falala-pau ʻoku ʻafioʻi maʻu pē ʻe Sihova ʻa e taimi lelei taha mo e founga lelei taha ke fakahaofi ai hono kakaí.
Talateu ʻo Sēfanaiá
Ko e hā ke ʻoua te tau fakakaukau ai heʻikai hoko mai ʻa e ʻaho ʻo Sihová?
Talateu ʻo Hākeaí
ʻOku fakamamafaʻi ʻe he kikité ʻa e mahuʻinga hono fakamuʻomuʻa ʻa e lotu ki he ʻOtuá ʻi he ngaahi meʻa fakafoʻituituí.
Talateu ʻo Sākalaiá
Naʻe fakaivimálohiʻi ʻe he ngaahi vīsone mo e kikite fakamānavaʻí ʻa e kakai ʻa e ʻOtuá ʻi he kuohilí. ʻOku hokohoko atu hono fakapapauʻi mai ʻe he ngaahi kikite tatau pē ʻa e poupou ʻa Sihová he ʻahó ni.
Talateu ʻo Malakaí
Ko ha kikite fekauʻaki mo e ngaahi tefitoʻi moʻoni taʻetoeliliu, meesi, mo e ʻofa ʻa Sihová. ʻOku toe ʻomai ʻe he kikité ha ngaahi lēsoni mahuʻinga ki he ngaahi tuʻunga ʻi hotau taimí.
Talateu ʻo Mātiú
Fiefia ʻi he ako ki he ngaahi moʻoni tefito ʻi he tohi Tohi Tapu ko ení, ko e ʻuluaki ia ʻi he Kōsipeli ʻe faá.
Talateu ʻo Maʻaké
Ko e nounou taha ia ʻi he ngaahi Kōsipelí, ko e fakamatala ʻa Maʻaké ʻoku fakalika mai ai ʻa e pule ʻa Sīsū ʻi he kahaʻú ko ha Tuʻi ʻi he Puleʻanga ʻo e ʻOtuá.
Talateu ʻo Luké
Ko e hā ʻa e fakamatala ʻoku makehe ai ʻa e Kōsipeli ʻa Luké?
Talateu ʻo Sioné
Ko e fakamatala ʻa Sioné ʻokú ne fakamatalaʻi ʻa e ʻofa ʻa Sīsū he faʻahinga ʻo e tangatá, ko ʻene faʻifaʻitakiʻanga lelei ʻi he anga—fakatōkilaló, mo hono tuʻunga ko e Mīsaiá—ko e Tuʻi ʻo e Puleʻanga ʻo e ʻOtuá.
Talateu ʻo e Ngaahi Ngāue ʻa e Kau ʻApositoló
Naʻe ngāue mālohi ʻa e muʻaki kau Kalisitiané ke ngaohi ʻa e kakai kotoa pē ko ha ākonga. Ko e tohi ʻa Ngāué te ne fakatupulekina hoʻo faivelenga mo e vēkeveke ʻi he ngāue fakafaifekaú.
Talateu ʻo e Tohi Lomá
Ko e tataki fakamānavaʻi ʻo fekauʻaki mo e taʻefilifilimānako ʻa Sihová mo e mahuʻinga ʻo e ngāueʻi ʻa e tui kia Sīsū Kalaisí.
Talateu ʻo 1 Kolinitoó
ʻOku ʻi he tohi ʻa Paulá ha faleʻi fakamānavaʻi ki he fāʻūtahá, maʻa fakaeʻulungāngá, ʻofá mo e tui ki he toetuʻú.
Talateu ʻo 2 Kolinitoó
Ko Sihova ʻa e “ʻOtua ʻo e fakafiemālie kotoa pē,” ʻokú ne fakaivimālohiʻi mo poupouʻi ʻene kau sevānití.
Talateu ʻo Kalētiá
Ko e tohi ʻa Paula ki he kau Kalētiá ʻoku ʻaonga ia ki hotau ʻahó ni ʻo hangē pe ko ʻene ʻaonga ʻi he fuofua taimi hono hikí. ʻE lava ke tokoni ia ki he kau Kalisitiane moʻoní ke nofoʻaki faitōnunga.
Talateu ʻo ʻEfesoó
Ko e tohi fakamānavaʻi ko ení ʻoku fakamamafaʻi ai ʻa e taumuʻa ʻa e ʻOtuá ki hono ʻomai ʻa e melino mo e fāʻūtaha fakafou ʻia Sīsū Kalaisi.
Talateu ʻo Filipaí
ʻI he tuʻumaʻu lolotonga ʻa e fakatangá, ʻoku lava ke tau fakalototoʻaʻi ʻa e niʻihi kehé ke tuʻumaʻu.
Talateu ʻo Kolosé
ʻOku lava ke tau fakahōifuaʻi ʻa Sihova ʻaki hono ngāueʻaki ʻa e meʻa ʻoku tau akó, ʻaki ʻa e fefakamolemoleʻakí, pea lāuʻilo ki he tuʻunga mo e mafai ʻa Sīsuú.
Talateu ʻo 1 Tesalonaiká
ʻOku fiemaʻu ke tau nofoʻaki ʻāʻā fakalaumālie, pea “fakapapauʻi ʻa e ngaahi meʻa kotoa pē,” “lotu maʻu pē” mo fefakalototoʻaʻaki.
Talateu ʻo 2 Tesalonaiká
Fakatonutonu ʻe Paula ha fakakaukau hala ʻo fekauʻaki mo e hoko mai ʻa e ʻaho ʻo Sihová, pea ʻokú ne fakalototoʻaʻi ʻa e fanga tokouá ke nau tuʻu maʻu ʻi he tuí.
Talateu ʻo 1 Tīmoté
Naʻe tohi ʻe he ʻapositolo ko Paulá ʻa e 1 Tīmoté ke fakahaaʻi ʻa e ngāue fakaekautaha ʻa e fakatahaʻangá pea fakatokanga ʻo fekauʻaki mo e akonaki loí mo e ʻofa ki he paʻangá.
Talateu ʻo 2 Tīmoté
Ko hono fakalototoʻaʻi ʻe Paula ʻa Tīmote ke fakahoko kakato ʻene ngāue fakafaifekaú.
Talateu ʻo Taitusí
Ko e tohi ʻa Paula kia Taitusí ʻoku fakahaaʻi ai ʻa e ngaahi palopalema ʻi he fakatahaʻanga ʻi Kēlití pea ʻomai mo e ngaahi fiemaʻu fakalaumālie ki he kau mātuʻa ʻi he fakatahaʻangá.
Talateu ʻo Filimoné
Ko e tohi nounou mo mālohi ko ení ʻoku ʻomai ai ha lēsoni ʻaonga fekauʻaki mo e anga-fakatōkilalo, anga-lelei mo e faʻa fakamolemole.
Talateu ʻo Hepeluú
Ko e lotu ʻa e Kalisitiané ʻoku makatuʻunga ia ʻi he meʻa lahi ange ʻi he temipalé mo e ngaahi feilaulau monumanú.
Talateu ʻo Sēmisí
Naʻe ngāueʻaki ʻe Sēmisi ha ngaahi lea fakaefakatātā mahino ke akoʻi ʻa e mahuʻinga ʻo e ngaahi tefitoʻi moʻoni faka-Kalisitiané.
Talateu ʻo 1 Pitá
ʻOku fakalototoʻaʻi kitautolu ʻe he ʻuluaki tohi ʻa Pitá ke mateuteu pea lī kotoa ʻetau loto-moʻuá ki he ʻOtuá.
Talateu ʻo 2 Pitá
ʻOku fakalototoʻaʻi kitautolu ʻe he tohi hono ua ʻa Pitá ke hoko ʻo faitōnunga ʻi heʻetau nofoʻaki tali ki he ngaahi langi foʻou mo e māmani foʻou.
Talateu ʻo 1 Sioné
ʻOku fakatokanga mai ʻa e tohi ʻa Sioné ʻo kau ki he ngaahi fili ʻo Kalaisí pea tokoniʻi kitautolu ke sio ki he meʻa ʻoku totonu mo ʻikai totonu ke tau ʻofa aí.
Talateu ʻo 2 Sioné
ʻOku fakamanatu mai ʻe he tohi hono ua ʻa Sioné ke tau ʻaʻeva maʻu ai pē ʻi he moʻoní pea maluʻi kitautolu mei he kau kākaá.
Talateu ʻo 3 Sioné
ʻOku akoʻi mai ʻe he tohi hono tolu ʻa Sioné ha lēsoni lelei ki he anga-talitali kakai faka-Kalisitiané.
Talateu ʻo Suté
ʻOku fakahaaʻi ʻe Sute ʻa e ngaahi founga kākā ʻa e faʻahinga ʻoku nau feinga ke kākaaʻi mo fakameleʻi ʻa e Kalisitiané.
Talateu ʻo Fakahaá
ʻOku fakahaaʻi ʻe he ngaahi vīsone ʻi he tohi Fakahaá ʻa e founga ʻe fakahoko ai ʻe he Puleʻanga ʻo e ʻOtuá ʻene taumuʻá maʻá e faʻahinga ʻo e tangatá mo e māmaní.
Talateu ʻo e Tohi Tapú
Sio ki he anga ʻo e felāveʻi ʻa e tohi taki taha mo e kaveinga tefito ʻo e Tohi Tapú—ʻa e founga ʻe hanga ai ʻe he Puleʻangá ʻia Sīsū Kalaisi, ʻo fakatonuhiaʻi ʻa e huafa ʻo Sihová.
Te Ke Fie Vakai Foki ki Heni
ʻŪ TOHI MO E POLOSIUA