Luzyibo Ilutupa Kuba Acilongwe a Leza
Mulengi wesu tajisi buyo nguzu, pele alimwi ulijisi bube bubotu kapati. Alimwi uyanda kuti twiiye kujatikizya nguwe akuba balongwe bakwe. (Johane 17:3; Jakobo 4:8) Nkakaambo kaako wayubununa makani manji aajatikizya nguwe.
Mulengi Wesu Ulijisi Zina
“Bantu abazyibe kuti yebo, oojisi zina lyakuti Jehova, yebo olikke ndonduwe Mupatikampatila atala aanyika yoonse.—INTEMBAUZYO 83:18.
Ibbaibbele liyiisya kuti Jehova ngo Leza wakasimpe omwe buyo. Ngo Mulengi wabubumbo boonse alimwi azintu zyoonse zipona. Walo alikke ngotweelede kukomba.—Ciyubunuzyo 4:11.
Jehova Ngu Leza Siluyando
“Leza nduyando.”—1 JOHANE 4:8.
Kwiinda mu Bbaibbele alimwi azintu zituzingulukide zyaakalenga, Jehova ulayubununa bube bunji mbwajisi. Luyando mbobube buyandika kapati mbwajisi. Zintu zyoonse nzyacita ziyeeme aluyando. Mbotuyabwiiya zinji kujatikizya Jehova, tuyoomuyanda kapati.
Jehova Ngu Leza Uulekelela
“Yebo nduwe Leza uulibambilide kulekelela.” —NEHEMIYA 9:17.
Jehova ulizyi kuti tatulondokede. Aboobo, ‘uulibambilide kutulekelela.’ Ikuti twamulomba kuti atulekelele akusolekesya kuleka kucita zintu zibi, uyootulekelela alimwi takatusubuli akaambo kazibi nzyotwakacita kaindi.—Intembauzyo 103:12, 13.
Jehova Uyanda Kuti Katupaila Kulinguwe
Jehova ulaafwaafwi abaabo boonse bamwiita . . . Ulamvwa nobakwiilila lugwasyo.”—INTEMBAUZYO 145:18, 19.
Tatuyandiki kutobela zilengwa zyaalubazu naa kubelesya zibumbwa naa zintu zimwi mukukomba Jehova. Ulaiswiilila mipailo yesu mbubwenya bazyali basiluyando mbobabaswiilila bana babo.
Andiza Inga Mwaakkomanina Ayaaya
MIBUZYO YAMU BBAIBBELE YAINGULWA
Ino Jehova Nguni?
Sena ngu Leza wabantu wamusyobo omwe, mbuli bana Israyali?
MIBUZYO YAMU BBAIBBELE YAINGULWA
Sena Leza Ninguzu Buyo Zitali Muciimo Camuntu?
Bbaibbele lyaamba kuti Leza wakalenga zyintu zyoonse, pele sena ulatubikkila maano?
MIBUZYO YAMU BBAIBBELE YAINGULWA
Sena Leza Inga Wandilekelela?
Amulange-lange ncolyaamba Bbaibbele kujatikizya mbwalekelela Leza.
