LWIIMBO 150
Amumuyandaule Leza Kutegwa Mukafwutuke
-
1. Bamasi bamvwana
Kukazya Jesu Kristo.
Ciindi cabulelo bwabo,
Leza wati camana.
Ibwami bwa Leza;
Bwatalika kulela.
Kristo uyakubanyonyoona
Bantu ibamukazya.
(KKOLASI)
Amuyandaule Leza,
Kutegwa mukafwutuke.
Muyandaule
Ibululami,
Musyome bulelo bwakwe.
Leza uyoomufwutula
Ajanza lyakwe.
-
2. Bantu nyika yoonse,
Bamvwa makani aaya.
Balalisalila beni,
Kumvwa naa ikukaka.
Naavwula mapenzi,
Tatweelede kuyoowa.
Jehova ulabalanganya;
Boonse ibasyomeka.
(KKOLASI)
Amuyandaule Leza,
Kutegwa mukafwutuke.
Muyandaule
Ibululami,
Musyome bulelo bwakwe.
Leza uyoomufwutula
Ajanza lyakwe.
(Alimwi amubone 1Sam. 2:9; Int. 2:2, 3, 9; Tus. 2:8; Mt. 6:33.)
