Bantu baalilwa kuleta luumuno munyika yoonse alimwi bayoozumanana kwaalilwa akaambo katwaambo tulimbotubede:

•   “Muntu ulaya bweenda, pele tabwene kweenzya intaamu zyakwe.” (Jeremiya 10:23) Bantu taakwe nobakalengwa kuti kabakonzya kulilela, aboobo tabakonzyi kujana luumuno lukkalilila.

•   “Mutasyomi bami, na muntu waansi uutagwasyi. Muuya wakwe wazwa, ulabweeda kubulongo; mubuzuba oobo mbubonya makanze aakwe oonse alamana.” (Intembauzyo 146:3, 4) Basololi bamfwulumende, nobaba baabo bajisi makanze mabotu tabakonzyi kujana nzila yakumana nkondo.

•   “Kumazuba aamamanino kuyooba ziindi zikatazya ncobeni. Nkaambo bantu bayooba . . . bakali, batayandi bubotu, basikwaaba bamwi, batalaiki, basikulitukumuna.” (2 Timoteyo 3:1-4) Tupona “mumazuba aamamanino” aanyika eeyi mbyaabi, ciindi bantu banji nobapa kuti cibe cintu cikatazya kuba aluumuno.

•   “Maawe kunyika alimwi akulwizi, nkaambo Diabolosi wamuselukila abukali bupati, mbwaanga ulizyi kuti ujisi buyo kaindi kaniini.” (Ciyubunuzyo 12:12) Diabolosi, sinkondonyina a Leza, wakasowelwa anyika alimwi ukulwaizya bantu kuba amuuya walunya. Kufumbwa kuti kali “mweendelezi wanyika eeyi,” tatukabi aluumuno.—Johane 12:31.

•   “[Bwami bwa Leza] buyoopwayaula akumanisya mami aya oonse, alimwi bwalo buyooima nji kukabe kutamani.” (Daniele 2:44) Bwami bwa Leza, kutali mfwulumende iili yoonse yabantu, njiiyooleta luumuno ndotulombozya.—Intembauzyo 145:16