Bwami bwa Leza buyoonjila mubusena bwamfwulumende zyabantu zyoonse akulela nyika yoonse. (Daniele 2:44) Caakucitika buyo eeco, Bwami bwa Leza. . .

•   Buyoogwisya basizibi, nkaambo kuliyanda kwabo kulatucisa toonse. “Pele basizibi bayoonyonyoonwa munyika.”—Tusimpi 2:22.

•   Buyoomanisya nkondo zyoonse. “[Leza] ulalesya inkondo mane kusikila kumamanino aanyika.”—Intembauzyo 46:9.

•   Buyooleta luumuno alimwi alusumpuko anyika. “Banooyookede umwi aumwi mucisiko camusaansa wakwe amumukuyu wakwe, nkabela takukooyooba muntu naba omwe uubayoosya.”—Mika 4:4.

•   Buyoopanga nyika kuba paradaiso. “Inkanda amatongo zyoonse ziyoosekelela, alyalo igundu liyookondwa akusyuuka malubaluba aaebeka.”—Isaya 35:1.

•   Buyoopa muntu umwi aumwi mulimo uukkomanisya, uupa kukkutila. ‘Bantu [Leza] mbasalide bayoongozya milimo yamaanza aabo. Tabakooyoobeleka cabuyo nikuba kubelekela mapenzi.’—Isaya 65:21-23.

•   Buyoogwisya malwazi. “Takukooyooba naba omwe akati kabantu banyika uuamba kuti, Ndaciswa.”—Isaya 33:24.

•   Buyoopa kuti tuleke kucembaala. “Lino inyama yakwe ilaba impya kwiinda yamwana; inguzu zyabulombe bwakwe bulajoka.”—Jobu 33:25.

•   Buyoobusya bafwide. “Aabo boonse ibali muzyuumbwe nobayoomvwa ijwi lya [Jesu] akuzwa mulinzizyo.”—Johane 5:28, 29.