Buk Song 95:1-11
95 Kam, yumi singim song bilong litimapim nem bilong Jehova!
Yumi amamas na preisim man i olsem Bikpela Ston bilong kisim bek yumi.+
2 Yumi go klostu long em* na tenkyu long em;+Na yumi amamas na singim ol song bilong litimapim nem bilong em.
3 Long wanem, Jehova em i strongpela God.
Em i strongpela King na i winim olgeta arapela god.+
4 Olgeta ples i daun tumas long graun i stap aninit long strong bilong em;Ol maunten i antap tru i bilong em.+
5 Em i bin wokim solwara na solwara i bilong em,+Na em i wokim graun long han bilong em.+
6 Kam, yumi brukim skru na lotu long em;Yumi nildaun long ai bilong Jehova, em Man Bilong Wokim yumi.+
7 Long wanem, em i God bilong yumi,Na em i wasman bilong yumi,Na yumi olsem ol sipsip em i save lukautim.*+
Nau sapos yupela i harim nek bilong em,+
8 Orait yupela i no ken pasim strong bel bilong yupela olsem ol tumbuna papa bilong yupela i bin mekim long Meriba,*+Na long Masa* long ples nating,+
9 Taim ol i traim mi;+
Ol i lukim ol wok mi bin mekim, tasol ol i traim mi.+
10 Inap 40 yia mi bin les tru long lain pipol bilong dispela taim, na mi tok olsem:
“Long bel bilong ol dispela lain pipol, ol i save lusim stretpela rot;Ol i no save long ol pasin bilong mi.”
11 Olsem na mi belhat na tok tru antap olsem:
“Ol bai i no inap i go insait long malolo bilong mi.”+
Ol Futnot
^ Hib., “long pes bilong bilong em.”
^ Hib., “i stap long han bilong em.”
^ Mining bilong en, “Kros.”
^ Mining bilong en, “Traim.”
