SINGSING 145
God i Tok Promis Long Kamapim Paradais
-
1. Long Paradais God bai kamapim,
Taim Jisas Krais i bosim graun,
Olgeta sin na rong bai pinis,
Em rausim dai na krai na pen.
(SINGSING GEN)
Bai Paradais i kamap tru.
Long bilip yu ken lukim tu.
Promis blong God em bai kamap,
Krais i truim laik bilong God.
-
2. Na hia long graun, Krais bai singautim,
Ol daiman ol i kirap bek.
Em promis Krais em i bin mekim:
‘Yu bai i stap long Paradais.’
(SINGSING GEN)
Bai Paradais i kamap tru.
Long bilip yu ken lukim tu.
Promis blong God em bai kamap,
Krais i truim laik bilong God.
-
3. Yes Paradais, Krais promis long en,
Nau em i King bilong yumi.
Yumi tenkyu long God Jehova,
Litimapim nem bilong em.
(SINGSING GEN)
Bai Paradais i kamap tru.
Long bilip yu ken lukim tu.
Promis blong God em bai kamap,
Krais i truim laik bilong God.
(Lukim tu Mat. 5:5; 6:10; Jon 5:28, 29.)
