Esaya 38:1-22
38 Emasikwini wolawo Hezekiya a vabyela ku fa.+ Hiloko muprofeta Esaya+ n’wana wa Amotsi a ya eka yena a fika a ku, “Yehovha u ri: ‘Nyika vandyangu wa wena swileriso hikuva u ta fa; a wu nge holi.’ ”+
2 Loko Hezekiya a twa sweswo a hundzuluka a languta ekhumbini kutani a sungula ku khongela eka Yehovha a ku:
3 “Yehovha Xikwembu xanga, ndzi kombela u tsundzuka+ ndlela leyi ndzi ku tirheleke ha yona hi ku tshembeka ni hi mbilu hinkwayo+ naswona ndzi endle leswinene emahlweni ka wena.” Kutani Hezekiya a sungula ku rila hi xiviti.
4 Hiloko Yehovha a byela Esaya a ku:
5 “Tlhela u ya byela Hezekiya+ u ku, ‘Yehovha Xikwembu xa Davhida kokwa wa wena u ri: “Xikhongelo+ xa wena ndzi xi twile. Ndzi yi vonile ni mihloti+ ya wena. Ndzi ta engetela masiku ya wena ya ku hanya hi malembe ya 15,+
6 naswona ndzi ta ku ponisa wena ni muti lowu eka hosi ya Asiriya, ndzi ta sirhelela muti lowu.+
7 Hi lexi xikombiso lexi humaka eka Yehovha lexi nga ta ku komba leswaku Yehovha u ta swi endla leswi a swi vuleke:+
8 Ndzi ta endla leswaku ndzhuti wa dyambu lowu nga eswitepisini swa Akazi wu tlhelela endzhaku hi magoza ya khume.” ’ ”+ Hiloko dyambu ri tlhelela endzhaku eswitepisini hi magoza ya khume hambileswi se a ri hundzile eswitepisini swoleswo.
9 Leswi swi tsariwe hi Hosi Hezekiya wa le Yuda hi nkarhi lowu a a vabya ni loko se a horile.
10 Ndzi te: “Exikarhi ka malembe ya mina ya ku hanyaNdzi boheka ku ya etinyangweni ta Sirha.*
Ndzi ta tsoniwa malembe ya mina lama saleke.”
11 Ndzi te: “A ndzi nge n’wi voni Yehovha,* yena Yehovha, etikweni ra lava hanyaka.+
A ndzi nge he va voni vanhuHikuva ndzi ta va ndzi ri ni lava feke.
12 Ndzi tekeriwe ndhawu ya mina+
Ku fana ni tende ra murisi.
Ndzi songe vutomi bya mina ku fana ni loko muluki a petsa lapi;U ndzi tsema ku fana ni tiharhani emakumu ka lapi.
Ku sukela nimpundzu ku ya fika nivusiku u ndzi tshineta eku feni.+
13 Ndzi tikhongoterile ku fikela nimixo.
U tshamela ku pfotlosa marhambu ya mina hinkwawo ku fana ni nghala;Ku sukela nimpundzu ku ya fika nivusiku u ndzi tshineta eku feni.+
14 Ndzi tshamela ku rila ku fana ni mbewulana kumbe xinyenyana lexitsongo;+Ndzi tshamela ku konya ku fana ni tuva.+
Matihlo ya mina ma karhala hi ku languta ehenhla:+
‘Yehovha Xikwembu xanga, ndzi tshikilelekile;Ndzi seketele!’+
15 Ndzi ta ku yini?
U vulavule na mina a tlhela a teka goza.
Ndzi ta titsongahata vutomi bya mina hinkwabyoHikwalaho ka maxangu lawa ndzi nga na wona.
16 ‘Yehovha, vanhu hinkwavo va hanya hi swilo leswi,*Ndza hanya hikwalaho ka swiendlo swa wena.
U ta endla leswaku ndzi hola u tlhela u ndzi hlayisa.+
17 Waswivo! Ematshan’weni ya ku rhula, ndzi ve ni maxangu lamakulu;Kambe hikwalaho ka rirhandzu ra wena,U ndzi kutsurile emugodini wa rifu.+
U lahlele swidyoho swa mina ekule.+
18 Hikuva Sirha* a ri nge ku vangamisi,+Rifu a ri nge ku dzunisi.+
Lava yaka emugodini a va nge he ku voni ku tshembeka ka wena.+
19 Lava hanyaka, lava hanyaka va nga ku dzunisa,Hilaha ndzi nga endlaka hakona namuntlha.
Tatana a nga dyondzisa vana vakwe hi ta ku tshembeka ka wena.+
20 Yehovha Xikwembu xanga, ndzi ponise,Kutani hi ta tlanga tinsimu ta mina hi switende+
Masiku hinkwawo ya vutomi bya hina endlwini ya Yehovha.’ ”+
21 Hiloko Esaya a ku: “Tisani khekhe leri endliweke hi makuwa lama omisiweke, mi ri bohelela ehenhla ka rhumba leswaku a ta hola.”+
22 Hezekiya a a vutise a ku: “Ndzi ta swi tivisa ku yini leswaku ndzi ta ya endlwini ya Yehovha?”+
Tinhlamuselo ta le hansi
^ Kumbe “Sheol.” Vona Tinhlamuselo.
^ Kumbe “Yah.” “Yah” i nkomiso wa vito leri nge Yehovha.
^ Ku nga marito ni swiendlo swa Xikwembu.
^ Kumbe “Sheol.” Vona Tinhlamuselo.
