Dyondza Eka Rito Ra Xikwembu
Xana U Nga Hanya Hilaha Ku Nga Heriki?
Xihloko lexi xi tlakusa swivutiso leswi u nga ha vaka u tivutisa swona ni ku ku komba laha tinhlamulo u nga ti kumaka kona eBibeleni ya wena. Timbhoni ta Yehovha ti ta swi tsakela ku bula na wena hi tinhlamulo ta kona.
1. Ha yini vutomi bya hina byi vonaka byi komile?
Timfutsu tin’wana ti hanya malembe ya 150 kasi mirhi yin’wana yi hanya malembe ya 3 000. Kambe loko u ringanisa malembe lawa ni ya vanhu, vutomi bya vanhu byi kome swinene. Nilokoswiritano, vutomi bya hina byi nga va ni xikongomelo ku tlula bya mfutsu kumbe murhi. Yehovha Xikwembu u vumbe vanhu va ri ni vuswikoti bya ku tiphina hi vuyimbeleri, mintlangu, swakudya, ku dyondza, ku valanga ni ku tivana ni vanhu van’wana. Xikwembu xi hi endle hi ri ni ku navela ku hanya hilaha ku nga heriki.—Hlaya Eklesiasta 3:11.
2. Xana hakunene hi nga hanya hilaha ku nga heriki?
Yehovha u hanya hilaha ku nga heriki. A nga fi. Hi yena Xihlovo xa vutomi kutani a nga swi kota ku nyika vanhu vutomi lebyi nga heriki. (Pisalema 36:9; Habakuku 1:12) Ku tlula kwalaho, u tshembise vanhu lava n’wi yingisaka ku va nyika vutomi lebyi nga heriki. U ta endla leswaku vanhu va nga ha dyuhali.—Hlaya Yobo 33:24, 25; Esaya 25:8; 33:24.
Yesu u kombise hi mintirho yakwe ya matimba leswaku hi nga tshemba xitshembiso xa Xikwembu xa vutomi lebyi nga heriki laha hi nga ta va ni rihanyo leri hetisekeke. Yesu u horise mavabyi yo tala yo hambana-hambana ni ku tlhela a pfuxa lava feke.—Hlaya Luka 7:11-15, 18, 19, 22.
3. Xana vutomi lebyi nga heriki byi ta fika rini?
Xikwembu xi lava leswaku hi hanya hilaha ku nga heriki, ku nga ri emisaveni leyi taleke ntshikilelo ni vuhomboloki, kambe emisaveni leyi nga paradeyisi. Xi lava leswaku hi titwa hi sirhelelekile. (Pisalema 37:9, 29; Esaya 65:21, 22) Loko misava yi vuyeteriwa yi va Paradeyisi, vanhu va timiliyoni lava feke va ta tlhela va hanya. Vanhu lava pfuxiweke lava hlawulaka ku gandzela Xikwembu va tlhela va xi yingisa va ta hanya hilaha ku nga heriki.—Hlaya Luka 23:42, 43; Yohane 5:28, 29.
4. Xana hi nga byi kuma njhani vutomi lebyi nga heriki?
Ku va munghana wa Xikwembu swa vuyerisa
Vutomi lebyi nga heriki hi nga byi kuma eka Xikwembu ntsena. Kutani hi endla kahle loko hi tshinela eka xona leswaku hi xi tiva. Bibele yi fanisa ku nghenisa vutivi hi Xikwembu ni ku dya swakudya. (Matewu 4:4) Swakudya swa nandziha loko u swi dya kambe ku swi kuma ni ku swi lunghiselela swi lava matshalatshala. Hilaha ku fanaka, ku dya swakudya swa moya swi lava matshalatshala. Kambe xana i yini lexi vuyerisaka ku tlula ku tshinela ekusuhi ni Xikwembu ni ku kuma vutomi lebyi nga heriki?—Hlaya Luka 13:23, 24; Yohane 6:27; 17:3.
U Nga Ha Tsakela
XIHONDZO XO RINDZA
Ha Yini Xikwembu Xi Rhume Yesu eMisaveni?
Vona leswaku ha yini Yesu a te emisaveni ni ndlela leyi hi vuyeriwaka ha yona namuntlha.
XIHONDZO XO RINDZA
Xana Xikwembu Xi Ta Simeka Hulumendhe Ya Misava Hinkwayo?
Hakanyingi swiphiqo swa vanhu swa fana emisaveni hinkwayo. Xana mufumi wa misava ku ta va ku ri ntlhantlho?
XIHONDZO XO RINDZA
Xana Ku Ta Humelela Yini Hi Siku Ra Vuavanyisi?
Ku ni swilo swo tala swo hambana-hambana leswi tshembiwaka hi Siku ra Vuavanyisi. Xana ri fanele ri chaviwa? Xana ri ta hetisisa yini?
XIHONDZO XO RINDZA
I Mani Yesu Kreste?
Ha yini Yesu a file? Xana Yesu u endla yini sweswi? Kuma ta tinhlamulo ta kona ni swivutiso swin’wana eBibeleni ya wena.
