Rhandza Vanhu Van’wana
Xiphiqo
Ku tshika xihlawuhlawu a hi matlangwana. Leswaku munhu a hola eka vuvabyi byo karhi u fanele a tirha hi matimba, swi tano na hi xihlawuhlawu. U nga endla yini leswaku u tsuvula xihlawuhlawu embilwini ya wena?
Nawu Wa Le Bibeleni
“Ambalani rirhandzu hikuva ri endla leswaku vanhu hinkwavo va va ni vun’we hilaha ku heleleke.”—VAKOLOSA 3:14.
Hi dyondza yini eka ndzimana leyi? Ku endlela van’wana leswinene swi endla leswaku mi va ni vun’we. Loko u ya u rhandza vanhu van’wana, a wu nge vi na xihlawuhlawu. Rirhandzu ri ta endla leswaku u nga zondhi vanhu van’wana.
Leswi U Nga Swi Endlaka
Ehleketa hi swilo swin’wana leswi u nga swi endlelaka vanhu va rixaka leri a wu ri tekela ehansi ku kombisa leswaku wa va rhandza. A swo boha ku va endlela swilo leswikulu. Ringeta ku endla xin’we kumbe swin’wana swa swilo leswi landzelaka:
Ku endlanyana swilo switsongo leswi kombisaka rirhandzu swi nga ku pfuna leswaku u tshika xihlawuhlawu
U nga va komba vumunhu hi ku va komba ndhawu yo karhi loko va lahlekile kumbe u nyiza va tshama exitulwini xa wena loko mi khandziye swin’we na vona xo famba xa mani na mani.
Hambiloko va nga ri koti kahle ririmi ra wena, ringeta ku bula na vona.
Va lehisele mbilu loko va endla swilo leswi u nga swi twisisiki.
Kombisa leswaku u va twela vusiwana loko va ku byela swiphiqo swa vona.
U Nga Ha Tsakela
KU PFUNA EMUGANGENI
Ku Hlula Xihlawuhlawu Hi Ku Tirhisa Dyondzo Ya Bibele
Timbhoni ta Yehovha ti tshemba leswaku tinxaka hinkwato ta vanhu ta ringana emahlweni ka Xikwembu.
XALAMUKA!
Nkongomiso Wa Ndlela Leyi Ha Yona U Nga Hanyisanaka Hi Ku Rhula Ni Van’wana
I vumunhu byihi lebyi nga hi pfunaka leswaku hi kondletela ku rhula ni van’wana?
