Khale ka khaleni, Muvumbi wa hina u veke milawu leyi kongomisaka vukati tihulumendhe ti nga si sungula ku veka milawu ya tona. Buku yo sungula ya Bibele yi ri: “Wanuna u ta siya tata wakwe ni mana wakwe naswona u fanele ku namarhela nsati wakwe, kutani va fanele va va nyama yin’we.” (Genesa 2:24) Rito ra Xiheveru leri vulaka “wansati,” hi ku ya hi xihlamusela-marito lexi vuriwaka Vine’s Expository Dictionary of Biblical Words, “ri vula munhu wa xisati.” Yesu u tiyisekise leswaku “waxinuna ni waxisati” hi vona lava faneleke va tekana.—Matewu 19:4.

 Xisweswo, xikongomelo xa Xikwembu a ku ri leswaku vukati byi va xiboho xa hilaha ku nga heriki exikarhi ka wanuna ni wansati. Vavanuna ni vavasati va vumbiwe leswaku va hetisisana leswaku va kota ku enerisa swilaveko swa vona swa mintlhaveko, swa rimbewu ni ku va ni vana.