1. Oh Yehovha u munene,

wa kwetsima swinene!

Xikwembu xa ku tshembeka,

Xikwembu xa wunene.

Wa hi kombisa timpsalu

hambi hi ku djohela.

Impela swa ku fanela

swaku hi ku tirhela.

2. Ha li vona a wunene

la wena, oh Yehovha!

U hi nyikile madoda

ma tirhaka swinene.

Ma hi djondzisa ku tama

hi kombisa wunene.

Hi pfuni siku ni siku

hi va vanhu vanene.

3. Ha kombela u hi nyika

moya wa ku kwetsima,

wu hi pfuna ku kombisa

wunene vamakwerhu.

Hambiloko hi li kaya

kumbe hi li bandleni,

hi lava ku tekelela

a wunene la wena.